Дьон элбэхтик тоҕуоруһар болуоссаттарын, сквердэрин, уулуссаны көҕүрдүү, сибэкки олордуу бу үтүө дьыала.
Бүгүн, бэс ыйын 18 күнүгэр И. С. Гаврильев аатынан Нам 1-кы №дээх орто оскуолатын биолог учууталлара Анисийа Стручкова, Людмила Васильева, Ирина Замятина,Стелла Кузьмина уонна Эхо-Бининс, «Медицина» лааҕыр оҕолоро
«Үөрэҕирии 150 сыла» скверга петуния сибэкки олортулар.
Үс сыллааҕыта бу сквергэ акация мас олордон, сайынын уу кутан кэлбит мастарын бүгүн тиийэн тэҥ көрүҥнээх буолалларын курдук, оһуччу үүммүтүн сарбыйан тэҥнээтилэр.
Биолог учууталлар бу үөрэх дьылыгар олунньу ыйга хас биирдии кылаас оҕото акация сиэмэтинэн мас олордоллорун ситиспиттэрэ. Бу күннэргэ, Бастакы оскуола тула оҕолор бэйэлэрин илиилэринэн үүннэрбит мастарын буору көбүтэн , уоҕурдуу кутан акация мастарын олордуохтаахтар.
Лена Корякина