Бэс ыйын 22 күнэ — Өйдөбүл уонна кутурҕан күнэ. Кэриэстэбил күнэ.
Бэлиэ күнү көрсө Бүтүн Россиятааҕы «Бастакылар хамсааһыннара» оҕо, ыччат тэрилтэтин Намнааҕы салаата улуус оҕо сынньалаҥ лааҕырдарыгар: Хамаҕатта «Лингва», Нам 2-с, гимназия, «Кубит» тиийэн «Первые помнят» диэн аахсыйа чэрчитинэн дьоһуннаах кэпсэтии, Аҕа дойду сэриитин сылларын чахчыларын билиигэ интерактивнай тургутуу викторина ыыттылар.
Бу күн анаан гвоздика дьөрбөтүн оҥордулар, ону таһынан Намнааҕы этнографическай музейга хараллан сытар сэрии сылларыгар тахсыбыт ‘Колхоз сирдьитэ» хаһыаттар ыстатыйаларын оҕолор ааҕан улууспут дьоно-сэргэтэ ыар сылларга хорсун быһыыларын, оччотооҕу оҕолор олохтохторун билистилэр.
Аҕа дойду улуу сэриитигэр олохторун толук уурбут буойуттар, тыылга эйэлээх олоҕу уһансыбыт дьоммутугар анаан кэриэстэбил мүнүүтэнэн түмүктэннэ. Тэрээһини ыытарга өйөбүл буоллулар: улуустааҕы оҕо модельнай библиотека үлэһиттэрэ.
Анна Ядрихинская