Чэмэлкэй халлааным анныгар
Чэҥ сиигэ күҥҥэ кылбачыйар,
Кураанах нэлэй сыһыытыгар
Кураҥ тыам сиигинэн туртайар
Тыа саҕатын оргууй таарыйан
Тулабын хаҕыс тыал эргийэр,
Сырдыгынан сыыйа арыйан
Сыдьаай күн уота килбигийэр.
Көстөр арҕаа мыраан үрдүнэн
Күдэн ыыс кууһан кылбаарыйда,
Көтөҕө көмүс киэргэлинэн
Күһүҥҥү көбүөрүн арыйда.
Күрэҥ ыллык суолугар туран
Сэбирдэх ардаҕар хаамабын,
Күүстээх тыалыттан улугуран
Сылаас күн эттигин кууһабын!
Онтуон