Дьиэлэрэ уокка былдьаммыт Нам сэлиэнньэтин эдэр ыаллара Павловтарга «Эҥсиэли» такси сулууспатын суоппардара, 36 киһи, харчы хомуйан туттардылар.
Суоппардар ким 1-1,5-2, ким 3-5 тыһ. кыттыһан, уопсайа 51 тыһ. солк. көмө оҥордулар. Көхтөөх суоппардар: улуус, өрөспүүбүлүкэ биллэр спортсмена, боксаҕа РФ спордун маастара Денис Халдеев уонна «Буойун» түмсүү чилиэнэ Гаврил Ноговицын «Эҥсиэли» такси сулууспатын аатыттан эмсэҕэлээбит эдэр ыал аҕа баһылыгын көрсөн көмөнү туттардылар.
«Кыһалҕабын өйдөөн көмө болбут Нам такси уолаттарыгар улахан махтал! 51 тыһ. солк.көмө харчы аҕалан биэрбитигэр бэйэм да соһуйдум, үөрдүм»,- диэн элбэх оҕолоох ыал аҕата махталын биллэрдэ.
«Ойуурдаах куобах охтубат, дьонноох киһи тутайбат».
«Эҥсиэли» хаһыат