Күндү биир дойдулаахтарбыт!

Тохсунньу 27 күнүгэр дойдубут үрдүнэн Ленинград куорат фашистскай халабырдьыттартан босхоломмута 80 сыла бэлиэтэнэр. Өстөөх 900 күннээх-түүн төгүрүктээһиниттэн санааларын түһэрбэтэх  Ленинград олохтоохторо уһулуччулаах эр санаа уонна Ийэ дойдуга бэриниилээх буолуу муҥутуур үрдүк холобурун көрдөрбүттэрэ. Төһө да күн-дьыл ааһан истэҕин аайы блокада хас биирдии кыттыылааҕын хорсун-хоодуот быһыыта улаатан, үрдээн иһэр.

Н.М.Рыкунов аатынан Нам киин библиотеката бу бэлиэ даатаҕа анаан «80 памятных лет» диэн электроннай ресурс бэлэмнээтэ. Электроннай ресурс 4 түһүмэхтэн турар, чуолаан Нам улууһуттан Ленинград куораты босхолооһуҥҥа кыттыбыт биир дойдулаахтарбыт тустарынан, А.Н.Островскай аатынан театральнай институкка үөрэнэ тиийбит Татьяна Матвеевна Монастырева, Татьяна Кондратьевна Ядрихинская, Ленинград блокадатын олохтооҕо Эльви Давыдовна Ушницкая олохторун туһунан матырыйааллары билсиэххит. Маны таһынан, улуус библиотекалара бэлэмнээбит Ленинград блокадатыгар анаммыт кинигэлэри,  быыстапкалары сэҥээрэн көрөргүтүгэр ыҥырабыт.

80 ПАМЯТНЫХ ЛЕТ https://namlib.wixsite.com/my-site-2

Виртуальную выставку книги «Театр. Якутия. Ленинград» https://youtu.be/_3bda1fLBko

Онлайн-викторину «Блокадной памяти страницы» https://namlib.blogspot.com/p/blog-page_94.html

Раиса Гоголева