Нам улууһугар Оҕо спордун сылын Хамаҕатта нэһилиэгин “Кытыл” түөлбэтин оҕолоро ситиһиилэрдээх түмүктээтилэр. Ордук сахалыы остуол оонньууларыгар табыллан кытыннылар. Бэс ыйын 21-23 күннэригэр улуустааҕы сайыҥҥы комплекснай спартакиадаҕа хабылык-хаамыска көрүҥэр Барашков Эрчим – 1м, Белолюбская Лилия – 1м, Местникова Уйгулаана – 1м буолбуттара. Алтынньы 25-26 күннэригэр А.П. Ушницкай кэриэһигэр 7-с төгүлүн ыытыллыбыт републикатааҕы турнирга Барашков Эрчим «Умсаах”, “Күөрэгэй”, “Сулус” көрүҥнэргэ — 3, хабылык, 5, 7 хаамыскаҕа -2м, Охлопков Даниил хабылык, 5, 7 хаамыскаҕа -3м ыллылар. Белолюбская Лилия “Турнир саамай эдэр кыттааччыта” анал номинация ылла. Прокопий Ядрихинскай-Бэдьээлэ аатынан Олоҥхо дьиэтигэр буолбут улуустааҕы “Былыргылыы хабылык” дьиэ кэргэнинэн күрэҕэр Лена Аммосова эбэтинээн 3 миэстэ буолбуттара.
Төрүт оҕунан ытыыга Рома Винокуров үчүгэй көрдөрүүлэрдээх. Улуустааҕы сайыҥҥы комплекснай спартакиадаҕа “Тииҥҥэ” — 1м. “Куобахха” – 2м. уопсайга – 2м. буолары ситиспитэ. “Спортивные Якутяне” оҕолорго спартакиада улуустааҕы этабыгар 2м буолбута. Алтынньы ыйга М.К. Аммосов аатынан ХИФУ бирииһигэр республикатааҕы оҕунан ытыыга бастакы аһаҕас турнирга Рома Винокуров – 1м., Арчылаан Харатаала – 2м. үктэлигэр турбуттара.
Гиирэ спордугар ини-бии уолаттар Харатаала Арчылаан уонна Арылхан үгүс ситиһиилээхтэр, “Спортивные Якутяне” спартакиадаҕа чаҥылхайдык кыттыбыттара.
Винокурова Лилия (2014 с.т. кыргыттар ортолоругар) «День спринта — 2024» чэпчэки атлетика күрэҕэр 3-с бириистээх миэстэни ылбыта.
Маассабай спортка түөлбэ оҕолоро көхтөөктүк кытталлар. Оҕо көмүскэлин күнүгэр “Сүүрэр-көтөр оҕо саас” эстафетаҕа Осипов Арылхан, Охлопков Даниил, Охлопков Данияр, Жирков Ильдар, Осипова Айыллаана, Строева Амелия, Иванова Муся, Белолюбская Лилия састааптаах хамаанда 1 миэстэ буолан түөлбэ олохтоохторун үөрдүбүттэрэ. От ыйыгар үгэскэ кубулуйбут түөлбэлэр икки ардыларыгар ыытыллыбыт футбол күрэҕэр түөлбэ уолаттара 1 миэстэни ылан Барашков Эрчим, Жирков Ильдар, Неустроев Сарыал, Сивцев Антон, Семенов Бэргэн, Семенов Эрчим бастыҥынан ааттаммыттара. Барашков Эрчим – “Бастыҥ кимээччи”, Жирков Ильдар – “Бастыҥ оонньооччу” анал ааттарынан бэлиэтэммиттэрэ.
Алтынньы 6 күнүгэр Н.П. Габышев аатынан “Эрчим” СК тэриллибит “Өбүгэ оонньуулара” улуустааҕы күрэххэ 11 кылаас кыргыттарыгар Строева Аэлина кыайыылаах үрдүк аатын ылбыта.
Ахсынньы 7-8 күннэригэр Түбэҕэ Үрүҥ Күөл бирииһигэр волейбол күрэҕэр Хамаҕатта дьахталларын хамаандата бастаабыта. Ол иһигэр «Кытыл” түөлбэттэн оскуола оҕолоро Аэлина, Амелия Строевалар, Эльза Дьяконова кыттыбыттара. Аэлина “Лучший игрок” аатын ылан телевизор бириис туппута, аҕас балыс Строевалар “Семейные игроки” ааты сүкпүттэрэ.
“Движение первых” ыытар “Семейная команда” Бүтүн Россиятааҕы бырайыак чэрчитинэн буолбут улуустааҕы спортивнай дьиэ кэргэнинэн күрэххэ Марк, Октябрина Барашковтар кыыстарынаан Уйгулааналыын барыта 9 оскуолаттан 13 хамаанда иһиттэн 2-с бочуоттаах миэстэ буолбуттара.
Е.М. Шапошников аатынан Хамаҕатта орто оскуолатыгар үөрэнэр оҕолортон Аманатов Эрик, Кокорев Эдик, Охлопков Даниил, Винокуров Владик, Жирков Ильдар спортка дьоҕурдаахтар.
В.П. Артамонов аатынан Хамаҕатта саха-француз лицейигэр Россияҕа Дьиэ кэргэн, СӨ Оҕо саас, Нам улууһугар Оҕо спордун сылларын түмүктүүр тэрээһиҥҥэ бастыҥ спортсмен оҕолору чиэстээтилэр. Онно “Кытыл” түөлбэттэн 10 бастыҥнар ааттарыгар киирдилэр: Харатаала Арчылаан (10 а), Харатаала Арылхан (11 а), Охлопков Данияр (9), Винокуров Рома (8 а), Белолюбская Лилия (8 б), Барашков Мичил (6). “Спорду өрө тутар дьиэ кэргэн-2024” дьиэ кэргэнинэн анал аат Марк Алексеевич, Октябрина Сергеевна Барашковтарга ананна.
Спорт эйгэтигэр сыл устата элбэх күрэхтэһиилэр ыытыллан, оҕо эт-хаан өттүнэн сайдарыгар, ситиһиилээх буоларыгар сөптөөх усулуобуйа олохтонон, балайда хамсааһын таҕыста. Оҕолор сөбүлүүр дьарыктарын салгыы тупсаран, бары өттүнэн сайдыылаах буолалларыгар баҕарабыт.
Мария Винокурова, Хамаҕатта.