Саҥа дьыл- дьиктини кэтэһии, оҕолуу сырдыктык долгуйуу. Бу дьикти түгэни көрсө Хамаҕатта нэһилиэгин «Кытыл» түөлбэ ыалларыгар тэриллибит куонкуруска олохтоохтор көхтөөх кыттыыны ылбыттара үөрдэр.
Ордук элбэх киһи “Симэммит харыйаҕа”, “Саҥа дьыллааҕы открыткаҕа” кыттыынна. Бииртэн биир сонун, кэрэтик симэммит харыйалары, урукку кэмҥэ бэйэ бэйэҕэ ыытыспыт, кичэллээхтик уура сылдьар, истиҥ тыллаах открыткаларын көрдүбүт.
«Симэммит харыйа» бастыҥ ыалларынан буоллулар: Жиркова Лена, Дьяконов Василий Дмитриевич, Сивцева Анастасия Афанасьевна, Атласова Надежда Васильевна.
«Сана дьыллааҕы открытка» кыайыылаахтарынан таҕыстылар: Григорьева Ирина Ильинична, Винокурова Вера Никифоровна, Винокурова Дария Степановна, Новгородова Лена Семеновна.
«Мин маскарадым» түһүмэххэ Гоголева Анна Иннокентьевна, Винокурова Вера Никифоровна сэҥээриини ыллылар. Оттон «Дьиэ таһын киэргэтиигэ» Аманатова Мария Николаевна, Гоголева Анна Иннокентьевна, Максимова Екатерина Егоровна биһирэннилэр.
Кыттыыны ылбыттарга бириистэри «Кытыл» түөлбэ актива, биирдиилээн көхтөөх дьоммут спонсордаатылар. Наҕараадалааһын тохсунньу 7 күнүгэр Суздалова уулуссаҕа, симэммит харыйа тула, ыытылынна. Сорохторго дьиэлэринэн сылдьан бириистэрин тиксэрдибит.
Маргарита Охлопкова, Хамаҕатта