Нам улууһун гиревик оҕолоро кыһыҥҥы уһун сынньалаҥнарын спорт саалаҕа туһалаахтык атаардылар. Ол курдук, күрэхтэһиигэ үтүө түмүгү көрдөрөөрү, ситиһиини аҕалаары спорду кытта доҕордоһооччулар тохсунньу саҕаланыытыттан эрчиллибитинэн бараллар.
Күүстээх дьарыгы быспат туһуттан, булгуччу эрчиллэ сылдьыахтааххын. Чуолаан, гиирэ спордугар, нэдиэлэттэн ордук кэриҥэ күннэри сынньалаҥҥа атаардын да, эрдэ эрчиллибитин барыта бостуой хаалар кутталга киириэн сөп.
“Спортсмен күүстээх санаалаах буолуохтаах. Тымныы, туманнаах күннэри аахсыбакка тапталлаах спорт саалатыгар тиэрдэр суолун умнуо суохтаах.
Өрөспүүбүлүкэтээҕи “Спортивные Якутяне” спартакиада көрүҥнэригэр күрэхтэһиилэр саҕаланыахтара. Гиирэ спордугар тохсунньу 24 күнүгэр буолуохтаах күрэхтэһиигэ “Олимпик” спорт оскуолаттан 11 иитиллээччибит күрэхтэһэ барардыы бэлэмнэнэр”, – диир улуустааҕы “Олимпик” спорт оскуола дириэктэрэ Изабелла Массаева.
Харысхан Попов