Ааспыт нэдиэлэҕэ Нам сэлиэнньэтин олохтоохторо байыаннай дьайыыга барар 256 блиндаж чүмэчитин уонна 6 маскировочнай сеткалары туттарбыттар.
Бүгүҥҥү күҥҥэ байыаннай дьайыы кыттыылаахтарыгар көмөлөһүөн баҕалаах элбэх. Ол курдук, общественниктар дьиэлэригэр олунньу 8 күнүгэр Ленскэй нэһилиэк пенсионердара 60 чүмэчини оҥорбуттар.
“Нам улууһугар пенсионердар, үөрэнээччилэр оҥорбут окуопаҕа туттуллар чүмэчилэри олунньу 7 күнүгэр ИП Попов Дмитрий Николаевичтыын куоракка киллэрэн туттарбыппыт.
Блиндаж чүмэчитин оҥорорго матырыйааллары Ленскэй нэһилиэк олохтоох дьаһалтата уонна “Ипподром” түөлбэ олохтоохторо аҕалбыттара. Ону тэҥэ, пенсионердар Петр, Мария Сергучевтар парафин биэрбиттэрэ. Окуопаҕа сөптөөх чүмэчилэри оҥорон таһаарарга уонна кырдьаҕастар бэйэлэрэ чүмэчилээх кэлэллэр”, – диир Ленскэй нэһилиэк ветераннарын сэбиэтин председателэ Попова Вера Васильевна.
Харысхан Попов