“Мичээр” норуот ансаамбылын салайааччыта Александр Окоемов сырдык аатыгар Хомустаах Бастакы нэһилиэгэр бэтэрээннэр (45+) икки ардыларыгар волейболга күрэхтэһии саҕаланна.
СӨ култууратын туйгуна, СӨ үөрэҕириитин туйгуна, Нам улууһун, Хомустаах Бастакы нэһилиэгин Бочуоттаах олохтооҕо Александр Николаевич Окоемов Дьокуускайдааҕы культура училищетын бүтэрэн кэлэн, 1984 с. олунньутугар кулууп иһинэн ыччаттарга үҥкүү куруһуогун тэрийэр.
1985 с. 1 Хомустаах Намнааҕы оҕо оскуолатын филиалыгар “Нам” совхоз директора Д.Ф. Алексеев уонна оскуола администрацията көҕүлээһиннэринэн “Мичээр” үҥкүү салаата аһыллан салайааччынан А. Окоемов үлэтин саҕалыыр.
Бу тэрээһини ыытарга Александр Окоемов балта Намыына Витальевна Борисова көҕүлээн, олохтоох дьаһалта өйөөн, Хомустаах, Хамаҕатта, Модут, Хатырык, Үөдэй, Намнааҕы педколледж хамаандата уонна Дьокуускайтан 2 хамаанда күөн көрсүөхтэрэ.
Нэһилиэнньэҕэ анаан тэрийээччилэр 500 солк. сүүйүүлээх оонньуу тэрийдилэр. Муҥутуур бириистэринэн буолуохтара: «Айфон» телефон, морозильнай ларь, пневмотическай Hatsan 70TR винтовка. Ону таһынан, булка, туризмҥа туттар элбэх араас тэриллэр.
Лена Корякина