Бүгүн Нам с. М.К. Аммосов болуоссатыгар быйыл улууспут оскуолаларын кыһыл уонна үрүҥ көмүс мэтээллэринэн үөрэнэн бүтэрбит уонна биир кэлим экзамены үрдүк баалга туттарбыт бастыҥ выпускниктары чиэстээһин үөрүүлээхтик ыытылынна.
Улуус баһылыга Юрий Слепцов үөрэххэ чаҕылхай ситиһиилэммит выпускниктары, үтүө түмүктэри көрдөрбүт учууталлары, оҕолорун иитиигэ сэмэй кылааттарын киллэрбит төрөппүттэри истиҥник эҕэрдэлээтэ. Выпускниктарга мэтээллэри, сэмэй бэлэхтэри, төрөппүттэргэ махтал суруктары туттарда.
«Үөрэххэ ураты ситиһиилэрин иһин» 1 ст. кыһыл көмүс мэтээллэринэн бэлиэтэннилэр:
—Дайаана Белолюбская (В.П. Артамонов аат. Хамаҕатта СФЛ);
—Игорь Куличкин, Нарыйана Кривошапкина (И.С. Гаврильев аат. Нам 1 №-дээх орто оскуолата);
—Юрий Марков, Анатолий Федоров, Анастасия Молчанова (Нам 2 №-дээх орто оскуолата);
—Валентина Атласова, Лилиана Попова, Арианна Клопашникова, Лана Макарова (Н.С. Охлопков аат. Нам улуустааҕы гимназията);
—Алексей Гоголев (Е.П. Сивцев аат. 2 Хомустаах орто оскуолата);
«Үөрэххэ ураты ситиһиилэрин иһин» 2 ст. үрүҥ көмүс мэтээллэринэн бэлиэтэннилэр:
—Лев Заболоцкай (Д.Ф. Алексеев аат. 1 Хомустаах орто оскуолата);
—Диана Охлопкова, Айтал Павлов, Даниил Протопопов (И.С. Гаврильев аат. Нам 1 №-дээх орто оскуолата);
—Анастасия Лукина, Дайаана Москвитина, Карина Рыкунова, Марина Соловьева, Күннэй Табунанова (Н.С. Охлопков аат. Нам улуустааҕы гимназията);
—Александра Жиркова (В.П. Артамонов аат. Хамаҕатта СФЛ);
—Антон Потапов, Анастасия Атласова, Нарыйаана Сивцева, Карина Николаева, Артур Окоемов (Нам 2 №-дээх орто оскуолата);
—Лейла Ермолаева (М.К. Аммосов аат. Хатырык орто оскуолата);
—Сарыал Зырянов (З.П. Саввин аат. Үөдэй орто оскуолата).
Нам улуустааҕы үөрэх управлениетын салайааччыта Мария Игнатьева оскуоланы кыһыл, үрүҥ көмүс мэтээллэринэн бүтэрбит выпускниктарга талан ылбыт үөрэхтэригэр киирэллэригэр, идэлэрин толору баһылыырга дьаныардаах, дьулуурдаах буоларга, оскуолаларын өрүү ааттата туралларыгар баҕа санаатын тиэртэ, төрөппүттэргэ махтанна. Биир кэлим экзаменнарга үрдүк баалы ылбыт выпускниктарга, кинилэри бэлэмнээбит, билиигэ олук уурбут учууталларга махтал суруктары, сэмэй бэлэхтэри туттарда.
Бэлиэ тэрээһиҥҥэ нэһилиэктэр баһылыктара эмиэ кыттыстылар, үөрэх бастыҥнарыгар эҕэрдэлэрин тиэртилэр, ситиһиилэри баҕардылар, өйдөбүнньүк бэлэхтэри туттардылар.
Выпускниктар үөрэхтэрин түмүгүнэн сыралаһан ылбыт мэтээллэрин суһума билиигэ сирдии, олохторун суолун сырдата турдун.
Касьян Олесов-Олук