Нам улууһун Үөдэй нэһилиэгин И.Н. Зырянов аатынан культурнай-спортивнай комплекска, “Сарыал” сынньалаҥ киин көҕүлээһининэн, З.П. Саввинов аатынан Үөдэй орто оскуолатын, улуус үөрэҕириитин салалтатын уонна “Бастакылар хамсааһыннара” Намнааҕы салаатын өйөбүлүнэн, «Мин дойдум ырыалара» оскуола үөрэнээччилэрин хордарын толоруутугар улуустааҕы куонкурус буолла.
Тэрээһин саха бастакы профессиональнай композитордарыттан биирдэстэрэ, РФ композитордарын союзтарын чилиэнэ, Саха республикатын искусствотын үтүөлээх үлэһитэ, Нам улууһун, Үөдэй уонна Никольскай нэһилиэктэр Бочуоттаах киһилэрэ Василий Алексеевич Зырянов аатын үйэтитиигэ ананан ыытылынна. Үөрэнээччилэр патриотическай ырыалары толордулар. Күрэх түмүгүнэн дипломаннар уонна лауреаттар быһаарылыннылар, Гран-при хаһаайына — Намнааҕы гимназия В.А. Зырянов аймахтара туруорбут анал бириистэрин, 30 тыһ. солк. харчынан, наҕараадаланна.
Иван Гаврильев, Үөдэй нэһилиэгин баһылыга:
Биһиэхэ, Үөдэй нэһилиэгэр, кулун тутар 22 күнүгэр үөрүүлээх күн буолан ааста. Ол курдук, оҕолор хордарын коллективтарын икки ардыларыгар Василий Алексеевич Зырянов аатынан күрэхтэһии улууспут историятыгар аан маҥнайгытын ыытылынна. Күрэххэ 14 хор коллективтара кыттыыны ыллылар. Манна бастыҥынан ааттаммыт коллектив өрөспүүбүлүкэтээҕи күрэххэ улуус чиэһин көмүскүөҕэ.
Бэлиэтээн эттэххэ, мин Василий Алексеевич сиэнэ буолабын. Оҕо эрдэхпиттэн киниэхэ иитиллибит киһи быһыытынан, бу күрэх Василий Алексеевич үлэлээн ааспыт сиригэр Үөдэйгэ ыытыллыбытынан олус киэн туттабын. Аймахтар ааттарыттан күрэҕи тэрийбит, бииргэ үлэлэспит дьоҥҥо улахан махталбын тиэрдэбин.
Куонкуруска саастарынан ирдэниллэр үс категория кыайыылаахтара Саха сиринээҕи “Бастакылар хамсааһыннарын” хоровой ырыа күрэҕин региональнай түһүмэҕэр, Дьокуускайга А. Кулаковскай аатынан Норуоттар доҕордоһууларын киинигэр, кыттар чиэһи ылыахтара диэн «Бастакылар хамсааһыннара» Намнааҕы салаатын салайааччыта Анна Ядрихинская иһитиннэрдэ.
Майя Федорова
Хаартыскалар: Анна Ядрихинская тиксэриитэ
Победители и номинанты:
Гран-При
Намская улусная гимназия
Младшая возрастная группа (7-11лет)
Лауреат 1 ст. Едейская СОШ им. З.П. Саввина (1-2кл)
Лауреат 2 ст. Едейская СОШ им. З.П. Саввина (3-4кл)
Лауреат 3 ст. Хамагаттинский саха-французский лицей им. В. П. Артамонова (1-2 кл)
Диплом 1ст. Едейская СОШ им. З.П. Саввина (2 кл)
Диплом 2 ст. Партизанская СОШ (3 кл)
Диплом 3 ст. Намская СОШ №1 им. И.С. Гаврильева (3-3 б. кл)
Основная возрастная группа (12-14лет)
Лауреат 1 ст. Хамагаттинская СОШ им. Е.М. Шапошникова (5-5 б.кл)
Лауреат 2 ст. Едейская СОШ им. З.П. Саввина (5-6 кл)
Старшая возрастная группа (15-17лет)
Лауреат 1 ст. Едейская СОШ им. З.П. Саввина (7-8кл)
Сводный хор (7-11лет)
Лауреат 1 ст. Хатырыкская СОШ им. М.К. Аммосова (хор мальчиков “Дуолан”)
Лауреат 2ст. 1 Хомустахская СОШ им. Д.Ф. Алексеева
Лауреат 3 ст. Намская СОШ №2
Диплом 1 ст. 2 Хомустахская СОШ им. Е.П.Сивцева
Диплом 2 ст. Бетюнская СОШ Е.С. Сивцева (3-4кл.)
Номинация местного отделения “Движение первых” МО “Намский улус”
“Лучший солист хора” — Ядреева Алиса ученица 1 кл. Едейской СОШ
“За яркое и эмоциональное выступление” – 1 Хомустахская СОШ им. Д.Ф. Алексеева