Модуттар оонньуур таһымнарын үрдэтэллэр

Нам улууһун Модутугар спорт нэдиэлэтэ буолан бүттэ. Нэһилиэккэ биллэриллибит спорт нэдиэлэтигэр 10 көрүҥҥэ 160 эр киһи, 112 кэрэ аҥар күрэхтэһиилэргэ кыттыыны ылбыт.

“Спорт хайысхатыгар Модут нэһилиэгэ маннык хамсааһын оҥороро бастакыта буолбатах. Номнуо, хаһыс да сырыылара. Ол курдук, Модут дьонугар-сэргэтигэр көхтөөх буолуу, сэргэхсийии эргиллэр. Салалта нэһилиэнньэни үчүгэй өрүккэ талаһыыны хаттаан күөдьүтэн эрэр диэн хайгыахха эрэ наада”, – диир улуустааҕы спорт управлениетын салайааччыта Павел Иванов.

Улууска комплекснай спартакиадаҕа үчүгэй көрдөрүүнү биэрэр, улахан нэһилиэктэри кытта араа-бараа киирсэр Ефим Гоголев баһылыктаах Модут олохтоохторо нэдиэлэ устата корнхол; дартс; бэһиэлэй старт; бильярд; ох саанан ытыы; сыал ытыы; хабылык, хаамыска; теннис; корзинаҕа мээчиги быраҕыы уонна садуоба түһүмэхтэригэр күрэхтэһэн күүстэрин сайыннараллар, оонньуур таһымнарын улаатыннараллар.

Харысхан Попов

Читайте дальше