Модут нэһилиэгин ааспыт 2024 сыл спорт салаатыгар үлэтин билиһиннэрэр буоллахха, нэһилиэккэ 4 түөлбэ, 6 тэрилтэ хамаандаҕа арахсан араас күрэхтэһиигэ кытыннылар. Е.Г . Гоголев аатынан КСК 2004 сыллаахтан аһыллан быйыл 20 сыллаах үбүлүөйүн бэлиэтээтилэр.
Нэһилиэккэ сыллааҕы былаан оҥоһуллан нэһилиэкпитигэр уонна улууспутугар ыытыллар күрэхтэһиилэргэ кыттыынны ыллыбыт. Спорт көрүҥнэринэн федерация тэрийэн үлэлэттибит. Ол курдук остуол оонньуутугар (хабылык, хаамыска) – салайааччы Н.Н. Сандулин; дуобат, саахымат – сал. В.В. Сыроватскай; оҕунан ытыыга — сал. В.П. Гермогенова; хаалыктаах хаамыыга – сал. А.Г. Петрова уонна ветераннар хамаандаларын көҕүлээччи В.Д. Дьяконова састааптаах үлэлээн кэллибит.
Быйылгы улууска ыытыллыбыт комплекснай күрэхтэһиилэргэ көтүппэккэ кытынныбыт, — диэн нэһилиэк спорт инструктора Николай Сандулин үлэтин билиһиннэрдэ.
Т. Никольская