Нам 1-кы нүөмэрдээх оскуолатыттан 11 оҕо, хамаанда менеджерэ, физкультура учуутала, Мальцева Вероника Гаврильевна, кылаас салайааччыта Рожина Марианна Дмитриевна уонна 3 төрөппүт Казань куоракка көттүлэр.
Кинилэр «Бастакылар хамсааһыннара» Бүтүн Россиятааҕы оҕо-ыччат хамсааһынын «Вызов Первых» диэн бырайыагын түмүктүүр түһүмэҕэр кыттыахтара.
Хамаандаҕа Уус-Алдантан, Сунтаартан, Дьокуускайтан 45 үөрэнээччи баар.
Бу бүтүн дойдутааҕы күрэхтэһиигэ кыттар иһин путевканы Сахабыт сирэ Уһук Илин уокурук үрдүнэн кытаанах сүүмэрдээһин түмүгэр ситистэ. Бу олус үчүгэй көрдөрүү диэн «Бастакылар хамсааһыннара» өрөспүүбүлүкэтээҕи тэрилтэтэ иһитиннэрдэ.
Онон биһиги оҕолорбутунан киэн туттабыт! Ситиһиини баҕара хаалабыт!
«Эҥсиэли» хаһыат
