Ньургун Тимофеев аатынан өрөспүүбүлүкэтээҕи олимпийскай эрэл спорт оскуолатын иитиллээччитэ Дьяконов Дьулустан бүтүн Россиятааҕы “Кубок Ил Дархана” нуучча дуобатыгар 3 бочуоттаах миэстэҕэ таҕыста.
Үчүгэй сонун үөрүүлээх ситиһиини сиэтэр. Нам улууһун кыыһа Габышева Дайана нуучча дуобатыгар спорт маастарын нуорматын толорбут.
“Намнааҕы 1-кы нүөмэрдээх 3 “а” кылааһын үөрэнээччитин Дьяконов Дьулустаны, Дьокуускайга үөрэнэр Нам кыыһын Габышева Дайананы үрдүк ситиһиилэринэн уонна тренер Василий Прокопьевы эҕэрдэлиибит.
Дайана Василий Иванович салалтатынан 8 сыл дьарыктанар. Ньургун Тимофеев аатынан олимпийскай эрэл иитиллээччитэ Дайана нуучча дуобатыгар дьахталларга аан дойду чемпионката; бүтүн Россиятааҕы дуобат күрэхтэһиилэригэр хас да төгүллээх кыайыылааҕа; Аан дойду Кубогын, Россия таһымыгар үгүстэ миэстэлэстэ” – диир спорт оскуола методиһа Диана Готовцева.
Харысхан Попов