Бу дьыл сэтинньи 25-26 күннэригэр Дьокуускайга «Кубок Надежды» диэн юниор оҕолор икки ардыларыгар республикатааҕы волейбол күрэҕэ буолла. Нам улууһун хамаандатын састаабыгар Гоголев Артём, Жерготов Айтал, Константинов Артур, Александров Сайдам, Андреев Дамир, Сивцев Андрей, Сивцев Айтал, Федотов Алёша уонна мин киирэн икки күн устата күрэхтэстибит.
Күрэхпит Дьокуускай куорат ХИФУ УЛК спорт саалыгар уонна 31-с №-дээх оскуолаҕа ыытылынна. Бу күрэххэ уопсайа 7 хамаанда күөн көрүстэ: Намтан, Мэҥэ Хаҥаластан, Амматтан, Дьокуускайтан. Амма улууһа икки хамаандалаах кэлбит этэ – Амма орто оскуолата уонна ДЮСШ. Дьокуускайтан 21, 31 нүөмэрдээх оскуолалар уонна “Айыы Кыһата” гимназияттан кытыннылар. Биһиги хамаандабыт утарылаһааччыларбытын кыайан, группаттан бастакынан тахсыбыппыт.
Уопсай түмүккэ намнар Амма ДЮСШ-ларын кыайаммыт 3-с миэстэ буолбуппут. 2-с миэстэни Амма орто оскуолата, 1-кы миэстэни Мэҥэ Хаҥалас хамаандата ылбыта. Салайааччыбыт Тимур Иванович Константинов, тренердэрбит Никита Николаевич Бочуров, Владимир Осипович Николаев ыйан-кэрдэн, сүбэлээн наһаа үчүгэйдик илдьэ сырыттылар.
Мин бу маннык республикатааҕы күрэххэ бастакы кыттыым буолар. Волейбол күрэҕэр кыттан, улууспут чиэһин көмүскээбиппититтэн үөрдүм уонна астынным. Аныгыс күрэххэ өссө үчүгэйдик дьарыктанан 1-кы миэстэни ыларбыт буоллар диэн баҕа санаалаахпын.
Дамир Иванов, Д.Ф.Алексеев аатынан 1 Хомустаах орто оскуолатын 5-с кылааһын үөрэнээччитэ