#Выборы-2023
Намнааҕы 352 №-дээх быыбардыыр хамыыһыйаҕа билиҥҥи туругунан 412 куоластааччы быыбардаабытын председатель Алена Ноговицына этэр.
М.К. Аммосов аатынан култуура дыбарыаһыгар үлэлии олорор 352 №-дээх 7 киһилээх быыбардыыр хамыыһыйа Нам сэлиэнньэтигэр 21 уулуссаны хабар, 1131 быыбардааччылаах улахан УИК буолар.
«Балаҕан ыйын 8 күнүн көрдөххө, 7 быыбардааччыны дьиэҕэ куоластаттыбыт. Быйыл биһиэхэ икки саҥа быыбардааччы эбилиннэ.
Ырыаҕа уйдаран, саҥа дыбарыаска быыбардааччы кэлиитэ көхтөөх. Ону тэҥэ, быыбар үтүө үгэһин тутуһар быыбардааччылардахпыт. Дьоммутун-сэргэбитин уруккулуу өрөбүл күҥҥэ кэлэн куоластыылларын күүтэбит», — диир Алена Семеновна.
Быыбар хаамыытын партиялартан, уопсастыбаттан анаммыттар кэтээн көрөллөр.
Харысхан Попов