Нам сиригэр-уотугар, суолларыгар бүгүн тэрилтэ үлэһиттэрэ субуотунньук оҥордулар. Ол курдук, айан суолларыгар ГАИ пуоһуттан сэлиэнньэ бүтүөр диэри, Салбанскай уулусса суолун кытыытын ырааһырдыы үлэлэрэ ыытылыннылар. Ону тэҥэ, тэрилтэлэр бэйэлэрин сирдэрин-уоттарын өрө тардыннылар.
“Суол ыраастааһыныгар Илья Винокуров Намнааҕы педагогическай колледжтан 10, Намнааҕы киин балыыһаттан 7, улуус дьаһалтатыттан 15, “Намкоммунтеплоэнерго” тэрилтэттэн 12, Захар Винокуров аатынан Оҕо искусствотын оскуолатыттан 7, Култуура дыбарыаһыттан, олохтоох дьаһалтаттан 10-нуу киһи таҕыста. Баһаарынай сулууспаттан 18, Ньургун Тимофеев аатынан өрөспүүбүлүкэтээҕи Олимпийскай эрэл спорт оскуолаттан 17 киһи кыттыыны ыллылар. Маны таһынан, субуотунньукка 1-кы, 2-с нүөмэрдээх уһуйааннар үлэһиттэрэ таҕыстылар.
Инникитин, ырааһырдыы субуотунньуктар, үлэлэр өссө да салҕаныахтара, буолуохтара”, – диир олохтоох дьаһалта баһылыгын солбуйааччы Тимофей Охлопков.
Харысхан Попов