Намнар өрөбүллэрин туһалаахтык атаараллар. Быйыл 2024 сылга улуус спорду хаһан да өрө туппатаҕын тутта диэххэ наада. Спорт эйгэтигэр сыл устата үгүс спартакиадалар бара тураллар. Нам сэлиэнньэтин тэрилтэлэрэ муус устар 21 күнүгэр Намнааҕы педагогическай колледж саалаларыгар волейболга күрэхтэстилэр.
Волейбол бастыҥнара эр дьоҥҥо улуустааҕы олохтоох дьаһалта оонньооччулара ааттаммыттар. Ленскэй нэһилиэк үрүҥ көмүс мэтээлин хаһаайыттар Намнааҕы педагогическай колледж үлэһиттэрэ кэппиттэр. Боруонса мэтээли Намнааҕы лесничество уонна киин балыыһа сүүмэрдэммит хамаандата ылбыт.
Кэрэ аҥаардарга эмиэ 5 хамаанда кыттыбытыттан бастакы миэстэни эрэллээхтик ИДьУО уонна 1-кы, 6-с нүөмэрдээх уһуйааннар сүүмэрдэммит хамаандата ылбыт. Иккискэ Намнааҕы педагогическай колледж тахсар уонна үсүһү улуустааҕы олохтоох дьаһалта үлэһиттэрэ ылбыттар.
“Финалга хаардыы хааман тахсыбыт Намнааҕы педколледж хамаандатын утары тахсарбытыгар, биллэн турар, долгуйуу баара. Хара маҥнайгыттан күүскэ хомуллан оонньуубутун таһаарбыппыт уонна кыһыл көмүс мэтээли кэтэр чиэскэ тиксибиппит. Аны ГТО, эстафета түһүмэхтэригэр көрсөрбүтүн күүтэбит”, – диир волейболга күрэхтэспит «Кыталык» уһуйаан педагога Сардаана Мохначевская.
Харысхан Попов