Бүгүн Нам улууһун киинигэр М.К. Аммосов аатынан култуура уонна духуобунай сайдыы Дыбарыаһыгар СӨ доруобуйа харыстабылын министиэристибэтин көһө сылдьар 4-с кэллиэгийэтэ үлэтин саҕалаата.
Кэллиэгийэҕэ көрүллэр боппуруостар:
1.»Продолжительная и активная жизнь» на 2025-2030 гг.» саҥа национальнай бырайыак соруктарын туһунан.
2.СӨ доруобуйа харыстабылын алын сүһүөх звенотун тупсарыы туһунан.
3.Ийэ буолуу уонна оҕо саас тустарынан национальнай бырайыактар сүрүн тосхоллорун туһунан.
4.СӨ доруобуйа харыстабылын систиэмэтин медицинскэй тэрилтэлэрин үрдүк кавлификациялаах специалистарынан (кадрдарынан) хааччыйыы туһунан.
5.СӨ ДХ министиэристибэтин кэллиэгийэтэ 2022-2023 сс. үлэҕэ туһаайыллыбыт быһаарыыларын туолуутун уонна 2025 с. диэри үлэ былаанын туһунан.
Кэллиэгийэҕэ СӨ доруобуйа харыстабылын миниистирэ Лена Афансьева, СӨ Правительствотын бэрэссэдээтэлин солбуйааччы Георгий Степанов, Ил Түмэн Судаарыстыбаннай мунньах доруобуйа харыстабылыгар, социальнай көмүскэлгэ, үлэҕэ, дьарыктаах буолууга сис кэмитиэтин бэрэссэдээтэлэ Светлана Давыдова, СӨ ТФМОС дириэктэрэ Александр Горохов, ХИФУ медицинскэй институтун дириэктэрэ Николай Гоголев, СӨ доруобуйа харыстабылын министиэристибэтин дуоһунастаах, эппиэттээх үлэһиттэрэ, «Нам улууһа» МТ баһылыгын солбуйааччы Юрий Дьяконов, өрөспүүбүлүкэтээҕи уонна улуустааҕы киин балыыһалар кылаабынай быраастара, медицинскэй тэрилтэлэр салайааччылара уо.д.а. кыттыыны ылаллар.
Кэллиэгийэ кыттыылаахтара өрөспүүбүлүкэбитигэр доруобуйа харыстабылын 2022-2024 сыллааҕы үлэтин түмүгүн уонна инники соруктар тула дакылааттары истиэхтэрэ, санаа атастаһыахтара уонна кэскиллээх үлэ былаанын ылыныахтара.
Касьян Олесов-Олук