Нам улууһугар үйэ аҥаара бииргэ олорбут дьиэ кэргэттэри чиэстээтилэр

Нам улууһугар ыам ыйын 15 күнүгэр 50 уонна 55 сыл бииргэ олорбут дьиэ кэргэттэри эҕэрдэлээтилэр. Намнааҕы ЗАГС отделыгар уһун сылларга бииргэ олорбут улуус бастыҥ ыалларын чиэстээтилэр.

Нам улууһун баһылыгын солбуйааччы Юрий Дьяконов дьиэ кэргэттэри өрөгөйдөөх үбүлүөйдэринэн эҕэрдэлээтэ уонна оҕолорун, сиэннэрин тапталларыгар уйдаран, куустаран уһун дьоллоох олоҕу олороллоругар, чэгиэн доруобуйаны баҕарда. Улууспутугар өр сылларга бииргэ өйдөһөн, өйөһөн олорбут алта дьиэ кэргэттэр харчылаах сертификаттарынан наҕараадаланнылар.

Бүгүн Ленскэй нэһилиэктэн Анна, Григорий Эверстовтар, Валентина Павел Ивановтар, Клавдия, Василий Охлопковтар, Хамаҕаттаттан Матрена, Анатолий Поповтар Партизантан Людмила, Николай Соловьевтар уонна Маймаҕаттан Татьяна, Савва Колесовтар Ил Дархан махтал суруктарын туттулар, баһылыктар, түөлбэ салайааччыларын, оҕолорун, аймахтарын үтүө тылларын, баҕа санааларын болҕойон иһиттилэр.

Сиһилии «Эҥсиэли» хаһыат кэлэр нүөмэригэр ааҕаарыҥ

Харысхан Попов