Өрөспүүбүлүкэ нэһилиэктэригэр бүгүн 15 киинэ саалата тэҥинэн арылынна, ол иһигэр Бастакы Хомустаах баар.
Бүгүн атырдьах ыйын 24 күнүгэр Бастакы Хомустаах «Алгыс» норуот айымньытын киинигэр киинэ саалата үлэтин саҕалаата.
Саала «Экстра Синема» диэн өрөспүүбүлүкэтээҕи ситим бырайыагынан аһылынна. Бу культура дьиэлэригэр киинэни көрдөрөр судургу систиэмэлээх бырайыак нэһилиэктэргэ киинэни көрөргө кыаҕы биэрэр. Уопсайа республика үрдүнэн 15 киинэ саалата аһылынна.
1 Хомустаахха киинэ саалатын үөрүүлээх аһыллыыта аныгы үйэ сиэринэн видеоконференция сибээһинэн ыытылынна. Быһа сибээскэ СӨ Ил Дархана А.С. Николаев, «Экстра синема» генеральнай директора П.А. Чиряев уонна «Нам улууһа» МТ дьаһалтатыттан П.П. Сергучев, Нам улууһун культураҕа уонна духуобунай сайдыыга управлениетын начальнига С.П. Ядрихинскай, «Хомустаах Бастакы нэһилиэгэ» МТ баһылыга В.Г. Жирков кыттыыны ыллылар.
Киинэ саалата мантан ыла сахалыы, нууччалыы киинэлэри көрдөрүөҕэ, «Пушкинскай картанан», онлайн атыынан касса үлэлиэҕэ.
