Нам улууһун көхтөөх олохтоохторун, бастыҥ түмсүүлэрин чиэстээтилэр

Хатырык нэһилиэгэр М.К. Аммосов аатынан култуура уонна спорт киинигэр, 2023 сыл түмүгүнэн «Нам улууһа» МТ бастыҥ уопсастыбаннай түмсүүлэри, түөлбэлэри, улуус бары социальнай хайысхаларыгар саамай көхтөөхтөрү, үтүө санаалаах бастыҥ дьонун, ону таһынан улууспут киэн туттар түмсүүлэрин үлэлэрин бэлиэтиир тэрээһин буолла.

Үөрүүлээх быһыыга-майгыга «Нам улууһа» МТ депутаттарын Сэбиэтин председателэ Алексей Винокуров улууспут бастыҥнарын, көхтөөх олохтоохторун эҕэрдэлээн туран, «Хатыҥ Арыы нэһилиэгэ» МТ бэтэрээннэрин сэбиэтин председателигэр Оксана Лебедеваҕа «Нам улууһун Ытыктабыллаах киһитэ» бочуоттаах бэлиэни туттарда.

СӨ Гражданскай уопсастыбатын институттарын сайыннарыыга кылаатын иһин, улуус олоҕор көхтөөх, үтүө суобастаах үлэлэрэ сыаналанан СӨ Ыччат дьыалатын уонна социальнай коммуникацияларга министерствотыттан «Буойун» НКО председателэ Павел Оконешников, СӨ Баһылыгын уонна Правительствотын дьаһалтатыттан быыбар тэрээһинигэр көхтөөх кыттыытын иһин «Хатырык нэһилиэгэ» МТ ыччаты кытта үлэҕэ специалиһа Ариан Татаринов Махтал суругунан бэлиэтэннилэр.

2023 сыл түмүгүнэн «Уопсастыба билиниитэ» тэрээһин түмүгүнэн улуустарын, нэһилиэктэрин сайдарын туһугар кылааттарын киллэрэр туруу үлэһиттэр, холобур буолар олохтоохтор, бастыҥ түмсүүлэр, сүрэхтэринэн-быардарынан ыалдьар уопсастыбынньыктар, олохтоох бэйэни салайыныы түөлбэлэрин салайааччылара, нэһилиэк дьаһалталарын сүрүннүүр специалистара Нам улууһун дьаһалтатын баһылыгыттан наҕараадалары туттулар.

 

Ааспыт 2023 сыл түмүгүнэн анал ааттар кыайыылаахтара:

  • «Лучший женсовет сельского поселения Намского улуса» анал аат кыайыылаахтара: 1-кы бөлөххө «Хатыҥ Арыы нэһилиэгэ» МТ (пред. Дария Мальцева); 2-с бөлөххө «Никольскай нэһилиэгэ» МТ (пред. Зинаида Нератова); 3-с бөлөххө «Таастаах нэһилиэгэ» (пред. Октябрина Гаврильева).

  • «Лучший общественный совет сельского поселения Намского улуса» анал аат кыайыылаахтара: 1-кы бөлөххө «Ленскэй нэһилиэгэ» МТ (пред. Валентина Крылова); 2-с бөлөххө «Бөтүҥ нэһилиэгэ» МТ (пред. Анна Евстафьева); 3-с бөлөххө «Арбын нэһилиэгэ» (пред. Надежда Бугаева).

  • «Лучший опорный центр здорового образа жизни Намского улуса» анал аат кыайыылаахтара: I миэстэ – «Үөдэй нэһилиэгэ» МТ (баһ. Иван Гаврильев); II миэстэ — «Партизан нэһилиэгэ» МТ (баһ. Алексей Зырянов); III миэстэ «Никольскай нэһилиэгэ» МТ (баһ. Алексей Кривогорницын).

  • «Лучшая некоммерческая организация Намского улуса» анал аат кыайыылаахтара: I миэстэ — «Спектр» улуустааҕы ыччат хамсааһынын ассоциацията (пред. Мария Дьяконова); II миэстэ — «Буойун» бойобуой дьайыы ветераннарын түмсүүтэ (пред. Павел Оконешников); III миэстэ — «Лидер» хотугулуу хаамыы физкультура-спорт уопсастыбаннай түмсүүтүн федерацията (сал. Дмитрий Елисеев).

  • «Лучший совет ветеранов сельского поселения Намского улуса» анал аат кыайыылаахтара: 1-кы бөлөх нэһилиэктэргэ – «Ленскэй нэһилиэк» МТ (пред. Вера Попова); 2-с бөлөххө — «2-с Хомустаах нэһилиэгэ» (пред. Надежда Сивцева), 3-с бөлөххө «Маймаҕа нэһилиэгэ» (пред. Сардана Андросова).

  • «Лучший председатель первичной организации инвалидов сельского поселения Намского улуса» анал кыайыылаахтара: 1-кы бөлөххө «Хатырык нэһилиэгэ» МТ (пред. Дмитрий Мухин); 2-с бөлөххө «1-кы Хомустаах нэһилиэгэ» МТ (пред. Татьяна Березкина); 3-с бөлөххө «Бөтүҥ нэһилиэгэ» (пред. Александра Соловьева).

  • «Лучший общественный корреспондент Намского улуса» анал аат кыайыылаахтара: «Хатыҥ Арыы нэһилиэгэ» МТ сүрүннүүр специалиһа, СӨ «Сахабэчээт» ГАУ Нам улууһунааҕы «Эҥсиэли» хаһыат редакциятын» уопсастыбаннай корреспондена Надежда Сивцева уонна Россия суруналыыстарын сойууһун чилиэнэ, «Эҥсиэли» хаһыат редакциятын 1-кы категориялаах редактора Семен Аргунов.

  • «Лучший совет отцов сельского поселения Намского улуса» анал аат кыайыылаахтара: 1-кы бөлөххө «Хамаҕатта нэһилиэгэ» МТ (пред. Владимир Уодай); 2-с бөлөххө «Партизан нэһилиэгэ» МТ (пред. Василий Садовников); 3-с бөлөххө «Искра нэһилиэгэ» (пред. Данил Дьяконов).

  • «Лучший общественник года Намского улуса» анал аат кыайыылаахтара: Мария Аманатова (Хамаҕатта), Ирина Подоксенова (Партизан).

  • «Лучшее добровольческое (волонтерское) объединение Намского улуса» анал аат кыайыылааҕа«Хатыҥ Арыы нэһилиэгэ» МТ «Сыдьаайа» иис сыаҕа (сал. Дария Мальцева).

  • «Лучший түөлбэ сельского поселения Намского улуса» анал аат кыайыылаахтара: Дария Лугинова салайааччылаах «Кыыс күөлэ» түөлбэ (Салбаҥ), Александра Петрова салайааччылаах «Саһарҕа» түөлбэ (Модут), Саргылана Зоирова салайааччылаах «Арыы Тиит » түөлбэ (Хамаҕатта).

«Нам улууһа» МТ баһылыга Юрий Слепцов 2020 сыллаах дьаһалынан, Дьиэ кэргэн уонна ыччат политикатын отделын иһинэн балаһыанньа олохтонон, «Норуот уонна уопсастыбаннас билиниитэ» диэн чиэстиир-бочуоттуур, үлэҕэ көҕүлүүр тэрээһин үһүс сылын ыытылынна. Аҕам саастаах дьоммут ыччакка холобур буолан – дойдубут, өрөспүүбүлүкэбит, улууспут, нэһилиэкпит, түөлбэбит, оҕолорбут, тэлгэһэбит иһэ туруктаах буоларын туһугар кылааттарын киллэрэ сылдьалларыгар махтанабыт, киэн туттабыт уонна холобур оҥостобут. Дойдуга бэриниилээх буолууга туһаайан, убаастабылбыт бэлиэтигэр аҕам саастаах дьоммутугар куруутун күүс-көмө, өйөбүл буоларбытын умнубаппыт.

2019 сыллаахха улууспутугар олохтоох бэйэни салайыныы уорганнарын уонна уопсастыбаннаһын форумугар «Партизан нэһилиэгэ» МТ баһылыгын солбуйааччыта Полина Скрябина улууспутугар уонна нэһилиэктэргэ уопсастыбаннай үлэҕэ көҕүлээччилэри, түмсүүлэри, көхтөөх кыттааччылары, олохтоохтору бэлиэтиир тоҕоостооҕун эппитэ олоххо киирбитэ үһүс сыла буолла.

Улууспут тумус туттар дьоно, туруу үлэһиттэрэ, дойдуларыгар бэриниилээх биир дойдулаахтарбыт Максим Аммосов төрөөбүт нэһилиэгэр тоҕуоруһа мустан, кини аатынан СӨ Государственноһын музейыгар сырыттылар, биир санаалаахтарын кытары уопуттарын атастастылар. Улууспут 140-ча уопсастыбынньыктарын иһирэхтик көрсүбүт музей коллективыгар, иилээн-саҕалаан тэрээһини ыыппыт «Сайдам» норуот айымньытын дьиэтин үлэһиттэригэр махталбытын тиэрдэбит», — диэн Екатерина Евстафьева санаатын үллэһиннэ.

«Нам улууһа» МТ дьиэ кэргэн уонна ыччат политикатын отделын начальнига Екатерина Евстафьева дьону-норуоту хамсатар, түмэр, биир сомоҕолуур уопсастыбынньыктарга, Нам улууһун сайдыытыгар кылааттарын киллэрбит, дойдубут туһугар күүскэ үлэлэһэр, элбэҕи ситиспит биир дойдулаахтарбытыгар отдел аатыттан Махтал суруктары туттартаата.

Семен Аргунов