СӨ Норуот маастарын күнүгэр анаммыт тэрээһиннэр бүгүн, кулун тутар 4 күнүттэн, саҕаланнылар.
XIV-с төгүлүн ыытыллар «Якутия мастеровая» диэн быыстапка-дьаарбаҥкаҕа Нам улууһуттан 20-тэн тахса маастар кыттыаҕа, норуот уус-уран оҥоһуктарын бары көрүҥэр үлэлэрин көрдөрүөхтэрэ. Ол курдук, кылтан, туостан, тимиртэн, мастан, муостан, тигии араас ньыматыттан уран оҥоһуктарын быыстапкаҕа туруордулар. Кинилэр: СӨ уус-уран оҥоһугун маастардара В.Д. Баишева, М.Н. Аманатова, А.А. Осипов, Р.А. Захаров, М.Р. Зырянова, СӨ норуотун маастардара М.П. Сыромятникова, Т.Г., В.Т. Васильевтар уо.д.а. Быыстапка бүгүн А.Е. Кулаковскай аат. Норуоттар доҕордоһууларын дьиэтигэр 11 ч. аһыллар.
Хатырыктан Тамара Галиновна уонна Валентин Титович Васильевтар «Удьуор Уус ситимэ» диэн дьиэ кэргэн династиятын өрөспүүбүлүкэтээҕи куонкуруһугар кыттыахтара.
Лена Ноговицына