Дьокуускай куоракка «Pool&Darts» кулуупка алтынньы 29 күнүгэр дартс көрүҥэр оҕолорго уонна улахан дьонҥо аан маҥнайгытын «Саҥа ааттар» өрөспүүбүлүкэтээҕи турнир буолан ааспытын Нам улууһун Дартс федерациятын председателэ Егор Бурнашев этэр.
Ол курдук, күрэхтэһиигэ барыта 81 кыттааччы: 13 кыыс оҕо; 6 уол оҕо; 19 дьахтар уонна 43 эр киһи кыттыыны ылбыт. Нам улууһун дротигынан быраҕааччылара дойдуларыгар маннык ситиһиилээх кэлбиттэр:
Кыргыттарга — Хатыҥ Арыы орто оскуолатын 8 кылаас үөрэнээччитэ, Дьяконова Дайаана 4 миэстэ. Уолаттарга — Ощепков Арылхан (ХАСОШ, 8 кыл.) — 1 м.; Дьячковскай Дима (ХАСОШ, 8 кыл.) — 3 м;. Дьахталларга — Ленскэй нэһилиэк олохтооҕо, Варвара Охлопкова — 2 м.; Татьяна Чекурова (Ленскэй нэһ.) — 3 м. Нам улууһа киэн туттар аҕам саастаах спортсмена, остуол оонньууларыгар спорт маастара, Ленскэй нэһилиэктэн Егор Петров 20 иһигэр киирэн хамаанданы үөрдүбүтүн Егор Константинович бэлиэтиир. Спорт ветерана Егор Иванович дартс көрүҥүнэн дьарыктаммыта иккис сыла буолара этиллэр. Ону тэҥэ, «Саҥа ааттар» күрэхтэһиигэ миэстэлэспит Нам улууһун оҕолоро кэлэр сылга Хабаровскай куоракка буолуохтаах Уһук Илин уокурук дартс чемпионатыгар кыттар чиэстэммиттэрин Дартс федерациятын председателэ иһитиннэрэр.
«Хамаандабыт аҕам саастааҕа 90-тан тахсыбыт Петров Егор Ивановович буолар. Оттон саамай эдэр кыттааччы 9 саастаах Дьокуускай куорат оҕото.
Хатыҥ Арыы үөрэнээччилэрин дартска эрчийэн кытыннарбыт оскуола физкультура учууталыгар Сивцева Мария Александровнаҕа махтанабын. Кыайыылаахтары, призердары эҕэрдэлээн кэбиһиэххэйиҥ! Инникитин өссө үрдүк ситиһиилэри баҕарыаххайыҥ!» — диир Нам улууһугар дартс көрүҥүн тарҕатааччы Егор Бурнашев.
