Мэҥэ Хаҥалас улууһун Майа сэлиэнньэтигэр олунньу 10-11 күннэригэр Никифоров Анатолий Васильевич 65 сааһыгар аналлаах төрүт ох саанан ытыыга өрөспүүбүлүкэтээҕи турнир буолбут. Күрэхтэһиигэ барыта 11 улуустан уонна 4 ох саанан ытыы кулууптан 202 күрэхтэһээччи кыттыыны ылбыт.
Нам улууһун охчуттара турнирга ситиһиилээхтик кыттан кэлбиттэрин төрүт ох саанан ытыы федерациятын председателэ Ньургустан Жирков иһитиннэрэр. Ол курдук, Нам улууһун 22 охчута дойдутугар 17 мэтээллээх кэлбит.
“Улуустааҕы спорт управленията Нам улууһун охчуттарын бу күрэххэ барарбытыгар өйөөбүккүтүгэр охчуттар ааттарыттан истиҥ махталбытын тиэрдэбит”, – диир Ньургустан Михайлович.
Түмүк:
Афанасий Дьячковскай куобах көрүҥэр ветераннарга иккис бөлөххө 3 миэстэ;
Күндайаана Эрилик куобах көрүҥэр ветераннарга иккис бөлөххө 1 миэстэ; тииҥҥэ 2 миэстэ; үс көрүҥ түмүгүнэн 3 миэстэ;
Леонид Соловьев тииҥ көрүҥэр ветераннарга иккис бөлөххө иккис 1 миэстэ; үс көрүҥ түмүгүнэн 3 миэстэ;
Катарина Колесова кус көрүҥэр ветераннарга бастакы бөлөххө 1 миэстэ, куобахха 2 миэстэ; үс көрүҥ түмүгүнэн 2 миэстэ;
Нюргуяна Корякина үс көрүҥ түмүгүнэн ветераннарга бастакы бөлөххө 3 миэстэ;
Петр Калачев кус көрүҥэр ветераннарга бастакы бөлөххө 3 миэстэ; тииҥҥэ 2 миэстэ; үс көрүҥ түмүгүнэн 2 миэстэ;
Сахайаана Дьяконова тииҥ көрүҥэр кэрэ аҥардарга 1 миэстэ, куобахха үс көрүҥ түмүгүнэн 2 миэстэ;
Эвелина Кутукова куобах көрүҥэр кэрэ аҥардарга 1 миэстэ;
Любомир Тимофеев тииҥ көрүҥэр эр дьоҥҥо 3 миэстэ.
Харысхан Попов