Үөдэйтэн оройуон киинигэр диэри олохтоох автобус сырыыта тохтуоҕуттан номнуо балайда сыл ааһа охсубут. Дьон кэлэригэр, барарыгар кыһалҕалар үөскээбиттэрэ. Уһун кэмҥэ сырыы суох буолан, олохтоохтор чааһынай таксинан сылдьарга күһэллибиттэрэ.
Улуус баһылыгын өйөбүлүнэн 2021 сылтан субсидированнай маршрутнай такси олохтоммута. Күн бүгүн нэдиэлэҕэ 5-тэ урбаанньыт идэлээх, Семен Кириллин Үөдэй- Нам маршрутунан дьону таһар. Ол курдук, сарсыарда Намтан 07:00 ч, күнүс 12:00 ч, киэһэ 18:00 ч хоҥнон, Үөдэйгэ 08:00 ч, 13:00 ч, 19:00 ч тохтобулларынан дьону ылар. Сыаната 150 солк.
Билиҥҥи туругунан сүрүн кыһалҕа Үөдэй-Хомустаах суола ардах түстэҕинэ, уу-хаар таҕыстаҕына кэлии-барыы өттүнэн мэһэйдэри үөскэтэр. Онон, маршрутнай такси суол туруга лаппа мөлтүүр кэмигэр айанын быстах кэмҥэ көнүөр дылы тохтотор. Суолбут биллэ тупсара буоллар тохтообокко айан суолун устун сырыы сыыдам буолуо этэ.
Екатерина Эверстова, Үөдэй