Дойдубут тэбэр сүрэҕэр Москваҕа Президент Владимир Путин инаугурациятыгар биир дойдулаахпыт, Нам уола Ренат Неустроев кыттыыны ылбыта. Үрдүк таһымнаах тэрээһиҥҥэ, Наммыт уола кыттыыны ылбыта барыбытын үөрүү, долгуйуу, киэн туттуу санаатыгар кууспута.
Неустроев Ренат Лазаревич:
— «Московский открытый колледж» үөрэххэ 4-с курс беспилотник оператор идэтигэр үөрэнэбин.
Президент инаугурациятыгар ыҥырыы суругу, Россия Президенэ В.В. Путин быыбар иннинээҕи Федеральнай штабыгар уонна Москубатааҕы куорат салаатын Бүтүн Россиятааҕы быыһааччылар устудьуоннарын куорпуһугар көхтөөх үлэм иһин ылбытым.
Инаугурация миигин олус умсугутта. Дойдум дьоһуннаах, историческай тэрээһинигэр кыттыбыппыттан астынабын. Инаугурацияҕа уһулуччу дьон: араас идэлээх уонна атын омук бэрэстэбиитэллэрэ, ВСКС делегацията бааллара.
Ыам ыйын 7 күнүгэр уопсастыбаннай өйөбүл Штабыттан РФ Президенин инаугурациятын быһа эфирин тэрээһинигэр Нам улууһуттан П.П. Ядрихинскай-Бэдьээлэ аатынан Олоҥхо дьиэтин үлэһиттэрэ Вера Колпашникова уонна Владимир Сыромятников кыттыыны ылбыттара.