Нам улууһун нэһилиэнньэтин дьарыктаах буолуутун киинэ «Сокуоннай саастарын туола илик 14-тэн 18-гар диэри саастаах оҕолору быстах үлэнэн хааччыйыы» государственнай программанан сыллата үлэни былааннаахтык ыытар.
Сокуоннай саастарын туола илик оҕолору үлэнэн хааччыйыыга сүрүн болҕомто социальнай балаһыанньаларынан учуокка турар оҕолорго ууруллар. 2023 сылга государственнай программанан 199 оҕону үлэнэн хааччыйыы былааҥҥа турар. Маныаха биир оҕоҕо 5915 солк. материальнай көмө көрүллэр.
Бу дьыл бэс ыйыгар 10 дуогабар түһэрсиллибит. Барыта 91 оҕо быстах үлэнэн хааччыллыбыт. Ол курдук, Хатыҥ Арыы – 14, Ленскэй нэһилиэк – 25, Хамаҕатта – 7, Таастаах – 3, Үөдэй – 8, 1 Хомустаах – 5, Никольскай – 5, Модут – 2, ИП Попова Н.И. – 2. От ыйыгар 8 дуогабарга илии баттанан 68 оҕо үлэлии сылдьар: Хатыҥ Арыы – 13, Ленскэй нэһилиэк – 30, Бөтүҥ – 5, Хамаҕатта – 7, 1 Хомустаах – 5, Үөдэй – 7, ИП Попова Н.И. – 1. Атырдьах ыйыгар 4 дуогабар түһэрсиллэн 40 оҕону үлэлэтэр былааннаахтар.
Бу дьыл от ыйын 20 күнүнээҕи туругунан, 159 сокуоннай саастарын туола илик оҕо быстах үлэнэн хааччыллыбыт. Оҕолор сүрүннээн көҕөрдүү, благоустройство, оҕуруокка уу кутуутугар, дьиэ кыылларын көрүүтүгэр уо.д.а. үлэлэринэн хабыллыбыттар.
Материальнай көмө кээмэйэ: өрөспүүбүлүкэттэн 1177085 солк., олохтоох муниципальнай бюджеттан 80 оҕоҕо анаан 427564 солк. көрүллүбүт. Маны тэҥэ үлэ биэрээччи бэйэтин үбүттэн оҕону эбии хамнастыыр.
Лена Ноговицына