Сарсыарда ытык тыаhыттан уhуктан, күнүс ыаммытынан үүт иһэн киллигирэтэн, түөртүүргэ иэдьэгэйи илдьиритэ сиэн, киэhэ суорат оймохтуу иhэн оҕо сааспыт ааспыта…
Хайа баҕарар улууска тыа хаһаайыстыбатын бородууксуйата сыаналанарын билэбит. Биллэн турар, бэйэ ыаммытынан үрүҥ аһа доруобуйаҕа дьайыыта үчүгэй да буоллаҕа. Омуннаатахха күөрчэх ытыллар тыаһа кулгаахпар субу иһиллэргэ дылы. Лэппиэскэни кытта оймоон сииртэн туох да атын ас наадата суох буолара.
Наммыт улууһун «Эрэл» ТХПК оҥорон таһаарар үрүҥ аhа нэhилиэнньэҕэ хамаҕатык атыыланар. Дьон сибиэhэй астан матымаары эрдэттэн уочараттаан туралларыгар түбэспитим. Сылтан сыл сыана уларыйа да турдар, бэйэ үрүҥ аhа амтанныын атын буоллаҕа. Кинотеатр аттыгар ТХПК «Эрэл» киоската өрөбүлэ уонна
эбиэккэ сынньалаҥа суох үлэлиир.
Сыана үрүҥ аска маннык:
Ынах арыыта 1 кг — 1000
Үүт 1 л — 105
Суорат 1 л — 100
Кефир 1 л — 100
Чөчөгөй (сметана) 0,5 л — 190
Сүөгэй (сливки) 0,5 л — 220
Иэдьэгэй (творог) 1 кг — 180
Лена Корякина