Нам улууһугар ахсынньы 24 күнүгэр оҕолорго дуобат күрэхтэһиитэ Намнааҕы “Уопсастыбанньык дьиэтигэр” буолла. 2023 сылы түмүктүүр нуучча дуобатыгар улуус оскуолаларыттан 30 үөрэнээччи кыттыыны ылбыт.
Нам улууһугар оҕолорго сыл устата “Олимпик” спорт оскуола дуобакка тренерэ Надежда Протопопова үгүс күрэхтэһиилэри ыытан кэллэ. Надежда Георгиевна оҕолору дуобакка интэриэһэргэтэн угуйаары бэйэтин баҕа санаатынан, күүһүнэн тэрээһиннэри иилээн-саҕалаан ыытара хайҕаллаах.
Күрэхтэһии кыттыылаахтарыгар анал бириистэр олохтоммуттар. Тренер Надежда Георгиевна иитиллээччилэригэр тапталынан иитиэйэхтээн туруорбут наҕараадаларынан Олесов Саян – “Лучший комбинатор”; быйыл кэлбит оҕолор икки ардыларыгар ыытыллыбыт “Лушая поделка” куонкуруска Обутов Максим уонна сыл устата үрдүк ситиһиини ситиспит Гаврильева Василиса чебурашка оонньуурунан бэлиэтэммиттэр. Уһуйааччы оҕолоругар бэйэтинэн кыһалыннаҕына, күүс-көмө буоллаҕына эрэ, атыттар илиилэрин утары уунан спонсор буолан саҕалыахтара. Маны этэн туран, “Олимпик” спорт оскуолаҕа үлэлиир тренердэр бары даҕаны, энтузиаст үлэһиттэр буолаллара, үгүс күрэхтэһиилэринэн баралларынан бигэргэнэр. Ити курдук, “Олимпик” спорт оскуола иитиллээччилэрэ, коллектива атыттарга холобур буола турдун.
“Сылбыт түмүктэнэрэ бэрт кыра бириэмэ хаалла. Ньургун Тимофеев аатынан өрөспүүбүлүкэтээҕи Олимпийскай эрэл оскуолатын кытта кыттыһан оҕолорго дуобат күрэхтэһиитин ыыттыбыт.
Биһиги үлэбитигэр куруук күүс-көмө буолар дьоммутугар махтаныам этэ. Тэрилтэбит дириэктэрэ Юрий Балаганскай биһиги толкуйдарбыт олоххо киирэллэригэр бары күүһүн уурарыгар махтанабыт. Спорт оскуоланы кытта хайдах баҕарар түгэҥҥэ бииргэ буолар бэйэбит иитиллээччилэрбит төрөппүттэригэр Матрена, Семен Аргуновтарга махтанабыт!”, – диир Надежда Протопова.
Харысхан Попов
Уолаттар, 1 бөлөх:
1 миэстэ – Олесов Саян (Намнааҕы алын кылаас оскуола);
2 миэстэ – Дьяконов Дьулустан (Намнааҕы 1№-дээх оскуола);
3 миэстэ – Алексеев Айхал (Намнааҕы 1№-дээх оскуола).
Кыргыттар, 1 бөлөх:
1 миэстэ – Гаврильева Василиса (Намнааҕы алын кылаас оскуола);
2 миэстэ – Терешкина Ангелина (Намнааҕы 2№-дээх оскуола);
3 миэстэ – Амбросьева Арина (Намнааҕы 1№-дээх оскуола).
Уолаттар, 2 бөлөх:
1 миэстэ – Массаев Алеша (Намнааҕы 2№-дээх оскуола);
2 миэстэ – Сивцев Ян (Граф Биэрэгэ);
3 миэстэ – Сивцев Артем (Улуустааҕы гимназия).
Кыргыттар, 2 бөлөх:
1 миэстэ – Мандарова Айнаара (Намнааҕы 2№-дээх оскуола);
2 миэстэ – Васильева Нарыйаана (Намнааҕы алын кылаас оскуола);
3 миэстэ – Игнатьева Даяна (Намнааҕы 1№-дээх оскуола).
Уолаттар, 3 бөлөх:
1 миэстэ – Иванов Айсан (“Сулусчаан” уһуйаан);
2 миэстэ – Обутов Максим (Намнааҕы 2№-дээх оскуола);
3 миэстэ – Кириллин Сарыал (Намнааҕы 1№-дээх оскуола).
3-5 кылаас уолаттарыгар:
1 миэстэ – Жирков Вася (Намнааҕы 2№-дээх оскуола);
2 миэстэ – Яковлев Витя (Намнааҕы алын кылаас оскуола);
3 миэстэ – Сосин Миша (Намнааҕы 1№-дээх оскуола).