Нам улууһун боксердара Россия, Уһук Илин турнирдарыттан мэтээллээх кэллилэр.
Башкортостан өрөспүүбүлүкэтигэр Туймаза куоракка ахсынньы 21-24 күннэригэр кикбоксиҥҥа Россия Кубогар күрэхтэһии ыытылынна. Саха сирин сүүмэрдэммит хамаандатын 19 спортсменыттан, Нам улууһуттан “Олимпик” спорт оскуола иитиллээччилэрэ Попов Ариан, Саввинов Маркел, Филиппов Валентин, Жирков Володя, Габышев Ярик бааллар.
Саха сирин сүүмэрдэммит хамаандата 4 мэтээл ылбытыттан, иккитэ биһиги оҕолорбут Габышев Ярик уонна Филиппов Валентин аҕаллылар. Ол курдук, Габышев Ярик Россия Кубогын чемпиона, Филиппов Валентин боруонса мэтээл хаһаайына буоллулар.
Ону тэҥэ, улуустааҕы “Олимпик” спорт оскуола боксаҕа биэс эдэр иитиллээччитэ ахсынньы 22-24 күннэригэр Хабаровскай куоракка кикбоксиҥҥа Уһук Илин турнирыгар күрэхтэстэ.
Биһиги иитиллээччилэрбит үчүгэй киирсиилэри уонна кыайыыга дьулуурдарын көрдөрдүлэр. Турнир түмүгүнэн:
2 миэстэ – Хамаҕатта орто оскуолатын 4 кылаас үөрэнээччитэ, Муксунов Эрчим;
3 миэстэ – Ачикасов Дима (ХСОШ, 3 кылаас);
3 миэстэ – Петров Эрхан (ХСОШ, 5 кылаас);
5 миэстэ – Иванов Эрэл (ХСОШ, 3 кылаас);
5 миэстэ – Ксенофонтов Сандал (ХСОШ, 3 кылаас).
Оҕолорбут Россия уонна Уһук Илин таһымыгар күрэхтэһэннэр үрдүк кыайыыны аҕалбыттарыттан үөрүүбүт муҥура суох! Иитиллээччилэрбитин уонна тренердарбытын Дмитрий Черноградскайы, Николай Ивановы өрөгөйдөрүнэн эҕэрдэлиибит.
Юрий Балаганскай