Бүгүн, ахсынньы 16 күнүгэр, Партизан орто оскуолатыгар Билгэ Айыы ыйдааҕы Алгыс күнэ ыытылынна, майгыны билии, үтүө санааны илдьэ сылдьарга алгыс туһаайылынна, алгыстаах алаадьы сиэтибит, айар — тутар күүс эбиннибит.
Бу күн оскуолабыт төрөөбүт күнүгэр, 9 сыллаах бэлиэ күнүгэр, ананар үөрүүлээх линейка буолла. Ситиһиилээх, кыайыылаах оҕолорго бэлэх, туоһу сурук, грамота туттарылынна. Оҕолор кылаастарынан минньигэс торт сиэн бэлиэ күнү уруйдаатылар. Үөрэххит, Үлэҕит тубустун, сиэрдээх, киһилии майгылаах, ис сүрдээх, доруобай, эйэлээх буолуҥ, тускулаах туһаайыы төлкөлөннүн. Дом! Дом! Дом!
Учууталлар учууталлара, СР үөрэҕэриитин туйгуна, алын кылаас учуутала Анна Егоровна Мордосова оскуолaҕа Саха Өрөспүүбүлүкэтин уонна улуус карталаах пазл бэлэх уунна. Махтал Анна Егоровнаҕа!
Павел Скрябин, оҕолору иитэр үлэҕэ директоры солбуйааччы