Партизаҥҥа СӨ Правительствотын 2023 сыллааҕы үлэтин Гаврил Кириллин салайааччылаах бөлөх отчуоттаата.
Шелкопряд сылгы төрүөҕэр туох охсуулааҕый диэн партизаннартан ыйытыы киирдэ. Тыаны, ойууру имири эһэр шелкопряды Нам улууһугар былааннаахтык эмтииллэр. Дьоҥҥо сэрэтэн туран, айылҕаны кытта үлэлэһэр тустаах тэрилтэ шеклопряды Нам улууһугар үһүс сылын эмтээбитин тыа хаһаайыстыбатыгар улуус баһылыгын солбуйааччы Филипп Николаев этэр.
Ону тэҥэ, гаас ситимигэр сыана үрдээбититтэн нэһилиэнньэ долгуйарын аһаҕастык этинэригэр Партизан эмиэ холбоһор.
Куоракка уонна тыа сиригэр олорооччуларга диэн араарыы суох буолар чинчилээҕэ биллэр. Оччотугар бары биир халыыпка киирэммит биир сууманы төлүүр былаан баар эбит.
Кооперация атаҕар туран күүһүн ылыан наада. Оччотугар кэтэх хаһаайыстыбалаах аҕам саастаахтар ынах-сүөһүлэрин көрүүгэ баҕа санаа баара, элбиэ этэ диэн этиллэр. Олохтоохтор тыа хаһаайыстыбата сайдарыгар тустаах министерствоттан уларыйыы тахсарын күүтэллэр эбит.
Нэһилиэккэ биллэн турар, спорт саала баар буоллаҕына, доруобуйа баар буолар. Билигин партизаннар нэһилиэктэригэр күрэхтэһии ыытар усулуобуйата суох олороллорун этиннилэр. Спорт саала уонна уһуйаан тутуута боротокуолга киирэрэ хайаатар да наадатын этэллэр.
Харысхан Попов