Хатыҥ Арыы нэһилиэгин үрүҥ тунах ыһыаҕар ыытыллыбыт хапсаҕай күрэҕэр Аппааны бөһүөлэгин олохтооҕо Сергей Семёнов муҥутуур кыайыылаах үрдүк аатын ылан, “Прогресс” ХЭТ дириэктэрэ Алексей Пинигин туруорбут анал бирииһинэн – “Регулмото” мотоциклынан наҕараадаланна.
Алексей Семенович күрэх биир улахан бирииһин туруоран күүс-көмө буолбутунан махтал тылларын этэбит, үлэтигэр үрдүк ситиһиилэри, этэҥҥэ буолууну баҕарабыт.
Сергей Сергеевич СР хапсаҕай спордун маастара, көҥүл тустууга РФ спордун маастара, 2022 с. Саха сирин хапсаҕайга тустууга “Аар Дархан” аат хаһаайына. Ону тэҥэ, элбэх оҕолоох Семеновтар өрөспүүбүлүкэтээҕи “Семья года” дьиэ кэргэн күрэҕин кыттыылаахтара, нэһилиэккэ ыытыллар “Бастыҥ дьиэ кэргэн – 2022” анал аат хаһаайыттара.
Биир дойдулаахпытын, эдэр кэскиллээх тустуугу Сергей Семеновы өссө төгүл эҕэрдэлиибит, үрдүк чыпчааллары баҕарабыт!
Надежда Сивцева