Хатыҥ Арыы нэһилиэгэр оҕо сынньалыҥар улахан болҕомто ууруллар. Билигин бастакы сезоҥҥа нэһилиэккэ уопсайа 12 оҕолоох сервиснэй «Бригантина» этэрээти салайааччылар Надежда Сивцева, Саргылаана Сметанина үлэлэтэллэр.
И.Е. Винокуров аатынан Хатыҥ Арыы орто оскуолатыгар «Кэнчээри» 45 оҕону хабан үлэлиир, начальник Туйаара Максимова. Маны тэҥэ маннык оҕо былаһааккалара тэрилтэлэр истэригэр үлэлииллэр: Хатыҥ Арыытааҕы оҕо искусствотын оскуолатын иһинэн «Мозаика» 13 оҕолоох үҥкүү бөлөҕө сал. Анжелика Ноговицына, уруһуй бөлөҕөр 11 оҕо сал.Степанида Шамаева, «Хатыҥчаан» звукостудия иһинэн «Вспышка» 6 оҕо, сал. Лена Колпашникова, олохтоох библиотека иһинэн «Хомусчаан» 10 оҕо, сал. Варвара Носкова, «Чороон» НАК иһинэн «Айылҕан» 25 оҕолоох, сал. Нюргуяна Адамова, «Сайдыы» СК иһинэн «Айылҕа оҕолоро» 10 оҕо, сал. Айталина Винокурова нэһилиэкпит оҕолорун хомуйан үлэлии олороллор. Уопсайа 132 оҕо сынньалаҥын туһалаахтык атаара сылдьаллар.
Нэһилиэкпит халаан уутуттан эмсэҕэлээбит ыаллар оҕолоро «Сосновый Бор», «Океан» лааҕырдарга сынньана барбыттара.
Дууһаларын, бары күүстэрин оҕо сайыҥҥы сынньалаҥар ууран үлэлиир, үлэлэһэр тэрилтэлэрбитигэр муҥура суох махтанабыт. Оҕо бары өттүнэн сайдан, бөҕөргөөн, элбэҕи билэн-көрөн, үлэни таптыырга улаатара барыбытын долгутар уонна өссө күүскэ болҕомто ууран үлэлиирбитигэр сорук биэрэр.
Надежда Сивцева