339 нүөмэрдээх Салбаҥнааҕы быыбардыыр учаастак хамыыһыйата олохтоох дьаһалта дьиэтигэр үлэлии олорор.
Билиҥҥи туругунан, 59 киһи быыбардаабыт, ол республиканскайга 31%, мунипальнайга 29% буолар. 18 саастарын туолбут 6 быыбардааччы — бары устудьуоннар, кинилэр быстах кэмҥэ пропискалаах сирдэригэр быыбардыахтаахтар.
Бастакынан, эрдэһит киһи сиэринэн, сэрии кэмин оҕото Клара Гаврильевна Уваровская быыбардаабыт.
Бу курдук дойду общественнай, политическай олоҕор кыттыһан, Ил Дарханы, улууспут Баһылыгын уонна улуус, республика таһымыгар депутаттары талар эппиэтинэстээх күннэрбит үүннүлэр.
#Быыбар2023
Татьяна Касьянова