“Үтүө санаа харыйата” саҥа дьылга оҕолорго үөрүүнү бэлэхтиир сыллата ыытыллар аахсыйа Үөдэйгэ түмүктэннэ.
Бастатан туран байыаннай дьайыы кыттыылаахтарын дьиэ кэргэттэригэр уонна кинилэр оҕолоругар Тымныы оҕонньор бэлэҕэ, саҥа сылы көрсөр бородуукта нобуора дьиэ кэргэттэргэ үөрүү кыымын уматан, дьоһун бэлэх буолла. Маны таһынан, элбэх оҕону иитэр дьиэ кэргэттэр оҕолоругар уонна доруобуйаларынан хааччахтаах оҕолорго – уопсайа 136 оҕоҕо Тымныы оҕонньор аатыттан бэлэх туттарылынна.
Сыллата аахсыйаҕа кыттыыны ылар биир дойдулаахтарбыт, нэһилиэк спонсордара Вячеслав Николаевич Заболоцкий уонна Андрей Григорьевич Парников улахан көмөнү оҥорон элбэх оҕоҕо, байыаннай дьайыы буойуттарын дьиэ кэргэттэригэр өйөбүл буоллулар. Маны таһынан, бастатан туран баһылык Иван Васильевич Гаврильев, баһылык солбуйааччыта Николай Михайлович Обутов, нэһилиэк дьаһалтатын коллектива, СӨ Ил Түмэн норуодунай депутата Эдгар Валентинович Константинов, нэһилиэкпит тэрилтэлэрэ: З.П.Саввин аатынан Үөдэй орто оскуолата, “Чуораанчык” оҕо уһуйаана, олохтоох баһаарынай чаас коллектива, “Сарыал” сынньалаҥ киин үлэһиттэрэ, Почта, олохтоох библиотека коллектива, олох-дьаһах хаһаайыстыбата “НКТЭ” тэрилтэ, Е. Кондакова аатынан быраа амбулатория, ветеринария, И.мЗырянов аатынан спортивнай комплекс, Үөдэй МАУ АРТ тэрилтэтэ аахсыйаҕа күүс-көмө буоллуллар.
Бааһынай хаһаайыстыба салайааччыларыгар, ол курдук Вилена Титовна Алексеева, Валентина Иннокентьевна Бережнева, Алексей Юрьевич Саввин, Трофим Дмитриевич Яковлев, Сергей Афанасьевич Ядреев, Михаил Михайлович Обутов, Андрей Иннокентьевич Эверстов сыллата ханнык баҕар түгэҥҥэ өйөбүл буолан, үтүө санаа харыйата аахсыйаттан бу да сырыыга туора турбакка элбэх оҕоҕо үөрүүнү бэлэхтээбиттэригэр махтанабыт. Маны таһынан, общественнай хамсааһынар дьахтар сэбиэтэ, “Сардаҥа”, “Тэтим” түөлбэлэр, ДНД дружинниктара Евгений Винокуров, Мария Михайлова, Людмила Винокурова, Семен Кириллин, Анфиса Винокурова, Николай Эверстов, инбэлииттэр обществоларын чилиэннэригэр Анастасия Семеновна Сысолятина, Зоя Дмитриевна Платонова, Евдокия Кирсановна Григорьева, Евдокия Петровна Алексееваҕа, Мария Кузьминична Емельяноваҕа, Валентина, Сергей Ядреевтарга, Надежда Новгородоваҕа, Сергей Никифоровка уонна бары аахсыйаларга кыттар нэһилиэкпит олохтоохторугар, биир дойдулаахтарбытыгар Дьулустан Андреевич Эверстовка, Екатерина Петровна Зыряноваҕа, Айнура Эсенакуновна Неустроеваҕа махталбытын тиэрдэбит.
Хас биирдии дьиэ кэргэҥҥэ, аһымал санаалаах күүс-көмө буолар дьоммутугар саҥа сыл үгүс үөрүүнү-көтүүнү бэлэхтээтин, алыптаах, дьиктилээх күн баҕа санааҕытын барытын толордун.
Екатерина Эверстова, Үөдэй