Нам сэлиэнньэтигэр “Жилье и городская среда” национальнай бырайыак “Хаарбах туруктаах дьиэттэн дьону көһөрүү” программанан, Аммосов аатынан уулуссаҕа элбэх квартиралаах саҥа дьиэ толору олоххо киирдэ.
Ол курдук, Григорий Кобяков салайааччылаах ХЭТ “Лигран” тэрилтэ Аммосов аатынан уулусса 26-с нүөмэрдээх элбэх квартиралаах дьиэ 2 түһүмэҕин муус устар ыйтан ылсан бүтэрдэ.
“Бүгүн дьиэ саҥа хаһаайыттарыгар 9 квартираны үөрүүлээх быһыыга-майгыга туттардыбыт. Бу дьол – Саҥа дьылы саҥа дьиэҕэ ылыы! Дьиэ хаһаайыттарыгар күлүүстэри кэмигэр туттарбыппытыттан үөрэбит.
Ол курдук, элбэх квартиралаах дьиэ 2-с түһүмэҕэр барыта 30 курдук киһи үлэлээтэ. Бүгүҥҥү үөрүүлээх күҥҥэ эҕэрдэ тыл, баҕа санаа бастыҥа этилиннэ. Бииргэ үлэлээбит үлэһиттэрбэр махтанабын, дьиэ олохтоохторугар, бар дьоҥҥо кэлэн иһэр Саҥа дьылынан”, – диир “Лигран” салайааччыта Григорий Андреевич.
Россия президенэ Владимир Путин бэйэтинэн киллэрбит “Жилье и городская среда” национальнай бырайыагынан уонна “Хаарбах туруктаах дьиэлэртэн дьону көһөрүү” программанан үгүс дьон тус олоҕун тупсарар.
Харысхан Попов