2024 сыл бүтэрэ биир хонук иннинэ СВО-ҕа «Барс-2» байыаннай экипаһа хомуллан, бэһиэ буолан разведкаҕа барбыттар. Передоктан чугас сиргэ ВСУ-лар танканы утары ииппит миинэлэригэр «Соколлара» эстэн, бары араас эчэйиини ылбыттар. Биирдэрэ тутатына 200-й буолбут, иккитэ ыараханнык бааһырбыттар. Бу түбэлтэҕэ «Захар», «Лев», позывнойдаах байыастар өйдөнөн кэлэн, төһө да контузиялаах, эттэригэр-сииннэригэр араас эчэйиилээх буоллаллар, дьонноругар бастакы көмөнү оҥорбуттар, көмөҕө ыҥырбыттар.
Байыастар санаалара күүстээх. Тыыннаах ордон Саҥа дьылы көрсөн, биир дойдулаахтарыгар эҕэрдэлэрин этэллэр, кыайыыга эрэллээхтэрин биллэрэллэр.
“Эҥсиэли” хаһыат