Алтынньыга Аппааны бөһүөлэгин спортивнай саалатыгар түөлбэлэр икки ардыларыгар ытыы күрэҕэ ыытылынна. Бу тэрээһин нэһилиэккэ Доруобуйа уонна спорт сылыгар ананна. Күрэххэ сэттэ түөлбэттэн алта түөлбэ кытынна. Күрэҕи Хатыҥ Арыы нэһилиэгин спорт уонна ыччат политикатын отделын дириэктэрэ Егор Бурнашев тэрийэн ыытта.
Күрэх түмүгүнэн кыргыттарга: 1 м. – Винокурова Настя, «Саһарҕа», 2 м. – Максимова Ангелина, «Виктория», Новгородова Алеся, «Молодежнай». Уолаттарга: 1 м. – Петров Леня, «Сандаара», 2 м. – Ильин Андрей, «Чэчир», 3 м. – Афанасьев Эрхан, «Сандаара». Дьахталларга: 1 м. – Лыткина Диана, «Молодежнай», 2 м. – Находкина Сардаана, «Озернай», 3 м. – Замятина Татьяна, «Молодежнай». Эр дьоҥҥо: 1 м. – Соловьев Семен, «Саһарҕа», 2 м. – Лыткин Дмитрий, «Молодежнай», 3 м. – Сивцев Петр, «Чэчир». Ветеран дьахталларга: 1 м. – Корчанова Евдокия, «Саһарҕа», 2 м. – Новгородова Акулина, «Саһарҕа», 3 м. – Л ыткина Татьяна, «Молодежный.
Хамаанданан түмүккэ:
- 1 миэстэ – «Саһарҕа» түөлбэ, сал. Максимова Л.Д.
- 2 миэстэ — «Молодежнай» түөлбэ.
- 3 миэстэ – «Виктория» түөлбэ, сал. Максимова Т.М.
- 4 миэстэ — «Чэчир» түөлбэ, сал. Винокурова М.В.
- 5 миэстэ – «Сандаара» түөлбэ, сал. Платонова А.Р.
- 6 миэстэ — «Озернай» түөлбэ.
Сэтинньи 28 күнүгэр спортивнай күрэхтэһии бүтэһик көрүҥнэригэр – дартс уонна корнхол күрэҕэ ыытылынна. Күрэххэ сэттэ түөлбэттэн алта түөлбэ кытынна. Дартс күрэҕэр 1 м. – «Чэчир» түөлбэ (сал. Винокурова М.В.) 7 899 очколаах, 2 м. – «Озернай» түөлбэ 5758 очколаах, 3 м. – «Саһарҕа» түөлбэ ( сал. Максимова Л.Д.) 5570 очколаах, онтон «Восход» (сал. Алексеева А.Б.), «Сандаара» (сал. Платонова А.Р.), «Виктория» (сал. Максимова Т.М.) түөлбэлэр хамаанда туруоран дьоннорун кытыннардылар.
Корнхол күрэҕэр бэрт тэҥ киирсии кэнниттэн 1 м. – «Саһарҕа» түөлбэ 99 очколаах, 2 м. – «Виктория» түөлбэ 91 очколаах, 3 м. «Сандаара» түөлбэ 85 очколаах ситистилэр.
Былырыын нэһилиэкпитигэр хас биирдии спорт көрүҥэр федерация тэриллибитэ, онон күрэхтэри ыытарга федерациялар чилиэттэрэ судействоҕа көмөлөрө улахан. Спорт отделын аатыттан күрэх кыайыылаахтарыгар кубок, мэтээл уонна грамота үөрүүлээх быһыыга туттарылынна.
Нэһилиэкпитигэр спортивнай күрэхтэргэ кыттар, дьарыктанар, ситиһии көтөлүн аҕалар түөлбэ олохтоохторугар махтанабыт.
Надежда Сивцева