Нам улууһун Үөдэй нэһилиэгин «Чуораанчык» уһуйаана СӨ профсоюзтарын федерацията ыыппыт күрэҕэр кыттан, «Лучший социальный партнер в области молодежной политики» диэн номинация хаһаайына буолла.
Бу күрэх сүрүн сыалынан эдэр үлэһиттэри өйөөһүн буолла, кинилэр араас тэрээһиҥҥэ кыттыылара көрүлүннэ. Ол курдук, уһуйаан профсоюһун председателэ Мария Владимировна Михайлова сыл ахсын Нам улууһун үөрэх үлэһиттэрин профсоюһа ыытар тэрээһиннэригэр, профсоюз олоҕор мэлдьи эдэрдэрин кытыннаран, бу күрэххэ үрдүк ситиһиилэнэн, өссө төгүл ситимнээхтик үлэлиирин көрдөрдө.
«Чуораанчык» уһуйаан коллективын кэлэн иһэр Саҥа дьылынан эҕэрдэлиибит, өссө даҕаны ситиһиилэри, профсоюһун үлэтэ сайда турдун диэн баҕарабыт!
Надежда Васильева