Бүгүн, балаҕан ыйын 7 күнүгэр, бүтүн өрөспүүбүлүкэ үрдүнэн Сомоҕолоһуу оһуохайдара ыытыллаллар.
Биһиэхэ, Нам улууһугар, бу сарсыарда 10 чаастан дьон-сэргэ Олоҥхо дьиэтин иннигэр мустан Сомоҕолоһуу оһуохайыгар кытыннылар. Тэрээһиҥҥэ ыччат, тэрилтэ үлэһиттэрэ, аҕам саастаахтар, оскуола оҕолоро, СӨ Ил Түмэн председателэ Алексей Еремеев, тыа хаһаайыстыбатын министрэ Александр Атласов, улуус баһылыга Юрий Слепцов кыттыыны ыллылар.
Оһуохайы кэскиллээх эдэр этээччи Вера Цыпандина олус үчүгэйдик күүрүүлээхтик таһаарбытын бары да астыннылар.
Дьокуускайга ыытыллар Сомоҕолоһуу Оһуохайын Эҥсиэли оһуохайдьыттара бастакынан саҕалыахтара. Дархан этээччи Валентин Хорунов таһаарыаҕа, – диэн Нам улууһун оһуохайдьыттарын түмсүүтүн салайааччыта Татьяна Евсеева иһитиннэрдэ.
