Нам улууһугар “Стайер” сүүрүү кулууба төрүттэммитэ 5 сылыгар чэпчэки атлетиканы өрө тутааччылар сүүрдүлэр. Физкультурник күнүгэр дьахталлар уонна эр дьон үс бөлөҕүнэн арахсан 5000 м сүүрдүлэр.
“Сүүрээччилэр, бука бары, фиништээтилэр. Ол курдук, күрэхтэһиигэ маҥнайгыларын кэлэн кыттыыны ылбыттар элбэхтэр уонна мэтээл ыланнар саамай дьоллоохтор”, – диир “Стайер” кулууп салайааччыта Иннокентий Федоров.
“Эҥсиэли” култуура уонна сынньалаҥ паарка сиригэр-уотугар сүүрбүттэргэ бука барыларыгар “Стайер” 5 сыллаах үбүлүөйэ буоларын ойуулуур мэтээллэр туттарыллыбыттара. Күрэхтэһээччилэр күн наһаа куйаас буолбатаҕын, кыра салгыннааҕын бэлиэтииллэр. Өрөбүл күн Таатта улууһун сүүрүүктэрэ 3 бастыҥнарга тахсаннар мэтээллээх айаннаатылар.
“Стайер” кулууп 5 сыллаах үбүлүөйүгэр Нам улууһун чиэһин көмүскүүр гиревик кыргыттар Изабелла Массаева уонна Сардаана Мохначевская кыттыыны ылбыттара. Сүүрүү буолуо күн иннинэ, кыргыттар гиирэ спордугар күрэхтэһэннэр 2, 3 миэстэлэри ситиспиттэрэ.
“Биһиги сүүрбүт бөлөхпүтүгэр саамай элбэх кыттааччы баара – 29 сүүрүүк. Күрэхтэһии кэнниттэн, биллэн турар, сүүрэргэ ыарахаттардаах. Биһиги көрүҥмүтүгэр уһун тыыннаах буоллаххына үтүө түмүк кэлэр. Сүүрүүнү өрө тутабыт”, – диир Изабелла Массаева.
Иннокентий Федоров тэрээһин үрдүк таһымҥа ааһарыгар күүс-көмө буолбут Дьулустан Хоҥҥа, Александр Федоровка, Андрей Парниковка, Степан Богдановка махтанна. Бэйэлэрин бөлөхтөрүгэр кыайыылаах бастыҥнарга 2 тыһ. суумалаах сертификаттар туттарыллыбыттара. Эдэрдэргэ 17, 47 мүн. бириэмэлээх, быһыйын көрдөрбүт Стас Саввиновка Ленскэй нэһилиэк олохтоох дьаһалтатыттан “Дельфин” маҕаһыыҥҥа 5 тыһ. суумалаах сертификат туттарылынна.
2006-1985 сс. төрүөх дьахталларга быһый атахтааҕынан Сардаана Федорова ааттанна, 2 миэстэҕэ Диана Готовцева таҕыста, 3 миэстэ – Анжелика Тобольщина. Эр дьоҥҥо кыһыл көмүс мэтээли Стас Саввинов кэттэ, үрүҥ көмүһү Юрий Аянитов уонна боруонсаны Иннокентий Заровняев ыллылар.
1984-70 сс. төрүөх дьахталларга үс батсыҥҥа Алена Посельская, Мария Томская, Ирина Пономарева таҕыстылар. Эр дьоҥҥо бастакы нүөмэр Алексей Кузько буолла, иккис Геннадий Мордовской уонна үһүс Евгений Дьячковскай буоллулар.
1969 с. үөһэ саастаахтарга дьахталларга кыайыыны Дария Федорова ылла, иккис миэстэ Анна Ядрихинская, 3 миэстэ Валентина Доргуева буоллулар. Эр дьоҥҥо бастакы үктэлгэ Василий Аввакумов таҕыста, 2 үктэлгэ – Александр Новгородов, 3 үктэлгэ – Петр Пестряков.
Харысхан Попов