Бүгүн «Строительнай» түөлбэ Нам с. «Общественниктар дьиэлэригэр» дартс күрэхтэһиитин тэрийдэ.
Күрэхтэһиини бу түөлбэ депутата Анна Гоголева көҕүлээн, сүүрэн-көтөн ыытта. Барыта үстүү киһилээх сэттэ хамаанда кытынна. Күрэхтэһии балаһыанньатынан араас таһымнаах күрэхтэһиилэр чемпионнара, призердара киирбэттэр. Кылаабынай судьуйанан бу көрүҥҥэ өрөспүүбүлүкэ элбэх төгүллээх кыайыылааҕа, Илин Уһук федеральнай уокурук, Бүтүн Россиятааҕы күрэхтэһиилэр элбэх төгүллээх призердара Татьяна Замятина, судьуйанан Илин Уһук федеральнай уокурук күрэхтэһиитин кыайыылааҕа, өрөспүүбүлүкэҕэ элбэх төгүллээх призер Семен Тимофеев үлэлээтилэр. Дартсменнар «Большой раунд», «Набор очков», «Сектор 20» көрүҥнэргэ кииристилэр.
Күрэхтэһии эриэ-дэхси оонньуутун түмүгүнэн кыайыылаахтар билиннилэр: 3м. «Строительнай-2»хамаанда (1983 оч.— Дьяконов Александр, Собакина Людмила, Христофорова Мария) ылла, 2м. —«Строительнай-1» хамаанда (2242 оч.—Охлопков Гаврил, Иванов Сергей, Иванова Матрена) таҕыста. Онтон 1м. ылан«Базовай—1» хамаанда (2409 оч. – Гуляев Семен, Осипов Владимир, Слепцова Анна) кыайыылааҕынан таҕыстылар. Кинилэр бары мэтээллэринэн, грамоталарынан, сыаналаах бириистэринэн наҕараадаланнылар. Кыайыылаахтар онно эбии кубогынан бэлиэтэннилэр.
Дьахталларга Мария Христофорова (848 оч.), эр дьоҥҥо Гуляев Семен (1112 оч.) саамай элбэх очколанан«Бастыҥ дартсмен» номинациялары ылан, онтон 70-нун ааспыт Лариса Решетникова «Саамай саастаах дартсмен»номинацияҕа тиксэн, анал бириистэринэн наҕараадаланнылар. Бириискэ тиксибэтэхтэр магнитиктарытутан үөрдүлэр.
Күрэхтэһиини тэрийээччи Анна Гоголева үрдүк таһымҥа судьуйалаабыт Татьяна Замятинаҕа, Семен Тимофеевка уонна сырдатарын иһин хаһыат үлэһитигэр, бу матырыйаал ааптарыгар, махтанарын биллэрэн, анал бириистэри туттарда. Анна Петровна күрэхтэһиигэ кыттыбыт спортсменнарга барыларыгар махтанна, спордунан дьарыктаналларыгар баҕарда. Кини бириистэр «Строительнай» түөлбэ олохтоохторо баҕа өттүлэринэн киллэрэр усунуостарын фондатыттан атыылаһыллыбытын бэлиэтээтэ. Спротсменнар «Строительнай» түөлбэ тэрийбит күрэхтэһиитин хайҕаатылар.
