“Студент года-2023” Арассыыйатааҕы национальнай бириэмийэ финалыгар республика аатыттан кытта айанныырга Саха сирин профессиональнай үөрэхтэр бастыҥ устудьуоннара Илья Винокуров аат. Намнааҕы педагогическай колледжка икки күн устата бастыҥнары быһаардылар.
Быйылгы үбүлүөйдээх регионнааҕы түһүмэх программата балачча кэҥэтиллэн Арассыыйатааҕы бириэмийэ таһымынан сыаналанна. Ол курдук, устудьуоннар иннилэригэр куонкурус биэс уустук тургутуутун ааһыы турбута. Кыттааччылар бэйэлэрин ситиһиилэрин ыйыллыбыт, туруоруллубут эрэ ыйытыыга көрдөрөрү, кэпсиири таһынан, чэпчэкитэ суох балаһыанньаттан сөптөөх быһаарыныы ылынан тахсары тобуллулар. Манна кинилэр хамаандаҕа үлэлииргэ, айымньылаах толкуйу таһаарарга үөрэнэллэр.
Куонкуруска барыта 112 кыттааччы 26 профессиональнай үөрэхтээһин тэрилтэтиттэн кытынна. Ол курдук, Нам, Үөһээ Бүлүү, Чурапчы, Томпо, Сунтаар, Уус Алдан, Хаҥалас улуустарын, Дьокуускай, Нерюнгри, Мииринэй, Бүлүү куораттарын устудьуоннара.
“STUDLAND” Медиа киин бөлөх
Экспертэр кыайыылаахтары чиэстээһин кэмигэр, бастыҥнары быһаарыы судургута суох буолбутун билиннилэр. Кинилэр көрүүлэринэн, хас биирдии кыттааччы “Студент года-2023” Арассыыйатааҕы национальнай бириэмийэ финалыгар сөптөөх кандидат буолара элбэҕи этэр. Ол да буоллар, анал ааттар бэйэлэрин хаһаайыттарын буллулар.
Намнааҕы педагогическай колледж социальнай педагога Дарина Полускина:
— Намнааҕы педагогическай колледжка икки күн устата «Студент года-2023» анал аат сүүмэрдиир түһүмэҕэ үрдүк таһымҥа ааста. Эдэр дьоҥҥо маннык тэрээһиннэр, куонкурустар буолаллара олус туһалаах дии саныыбын. Манныктан тахсар буоллаҕа, туохха барытыгар эппиэттээх сыһыан, уопсастыбаҕа тутта-хапта сылдьыы.
Куонкурус кыттааччылара хас биирдии ыйытыыга толлон турбаккалар өйдөнүмтүөтүк хоруйдууллар. Ис хоһоонун сатаан арыйаллар. Холобура, уустук быһыы-майгы үөскээри гыннаҕына, бэйэ-бэйэлэригэр тутатына көмөҕө кэлэллэрин бэлиэтээтим. Манан тугу этээри гынабын, үүнэн иһэр көлүөнэ бэйэлэрин уонна үөрэхтэрин кыһаларын дьоһуннаахтык көрдөрөллөр.
Түгэнинэн туһанан махтаныам этэ, Илья Винокуров аат. Намнааҕы педагогическай колледж коллективыгар, директор Елена Никитинаҕа уонна иитэр үлэҕэ директоры солбуйааччы Мария Дьяконоваҕа. Икки күн устата эппиэтинэстээх үлэни толорбуттарга: улуустааҕы “Эҥсиэли” хаһыаттан Харысхан Поповка; Петр Юмшанов аат. Намнааҕы Оҕо спортивнай оскуолатын методиһыгар Юлия Гоголеваҕа; Намнааҕы техникум педагог-организаторыгар Юлия Необутоваҕа; улуустааҕы “Олимпик” спортивнай оскуола тренерыгар Валерхан Охлопковка; Н.С. Охлопков аат. улуустааҕы гимназия физкультура учууталыгар Арсен Спиридоновка; А.Ф. Шестаков аат. улуустааҕы норуот айымньытын дьиэтин балетмейстерыгар Мария Поповаҕа; улуустааҕы култуура управлениетын специалиһыгар Матрена Платоноваҕа; Н.С. Охлопков аат. улуустааҕы гимназия саха тылын уонна литературатын учууталларыгар Аэлита Поповаҕа уонна Александра Васильеваҕа.
Улууска өссө биир таһаарыылаах үлэ барбыта – түмсүүбүтүн, сомоҕолоһуубутун кэҥэтэр, чиҥэтэр, кэпсиир көстүк диэн ааттыыбын.
«Профессионал года» анал аат
Гран-при – Максим Боппоенов, Чурапчытааҕы аграрнай-техническай колледж;
1 истиэпэннээх Лауреат – Алексей Кириллин, Ю.А. Готовцев аат. Дьокуускайдааҕы сервис технологическай техникум;
2 истиэпэннээх Лауреат – Туйаара Мухоплева, Илья Винокуров аат. Намнааҕы педагогическай колледж;
3 истиэпэннээх Лауреат – Анастасия Герасимова, С.Ф. Гоголев аат. Дьокуускайдааҕы педагогическай колледж.
«Председатель совета обучающихся года» анал аат
Гран-при – Илья Прокопович, Дьокуускайдааҕы коммунальнай-строительнай техникум;
1 истиэпэннээх Лауреат – Лидия Егорова, Илья Винокуров аат. Намнааҕы педагогическай колледж;
2 истиэпэннээх Лауреат – Алина Федорова, Н.Г. Чернышевскай аат. Бүлүүтээҕи профессиональнай-педагогическай колледж;
3 истиэпэннээх Лауреат – Валентин Кычкин, В.М. Членов аат. Дьокуускайдааҕы индустриальнай-педагогическай колледж.
«Староста года» анал аат
Гран-при – Алексей Никифоров, В.А. Вонгродскай аат. Дьокуускайдааҕы медицина колледжа;
1 истиэпэннээх Лауреат – Анастасия Рудакова, Дьокуускайдааҕы тыа хаһаайыстыбатын техникума;
2 истиэпэннээх Лауреат – Андрей Васильев, Н.Г. Чернышевскай аат. Бүлүүтээҕи профессиональнай-педагогическай колледж;
3 истиэпэннээх Лауреат – Илона Васильева, И.И. Фадеев аат. финансовай-экономическай колледж.
«Общественник года» анал аат
Гран-при – Елена Бережнова, В.А. Вонгродскай аат. Дьокуускайдааҕы медицина колледжа;
1 истиэпэннээх Лауреат – Ольга Скорицына, Илья Винокуров аат. Намнааҕы педагогическай колледж;
2 истиэпэннээх Лауреат – Александра Оленова, Үөһээ Бүлүүтээҕи техникум;
3 истиэпэннээх Лауреат – Александр Карамзин, Т.Г. Десяткин аат. Дьокуускайдааҕы промышленнай техникум.
«Творческая личность года» анал аат
Гран-при – Денис Саввинов, Чурапчытааҕы аграрнай-техническай колледж;
1 истиэпэннээх Лауреат – Полина Федорова, С.Ф. Гоголев аат. Дьокуускайдааҕы педагогическай колледж;
2 истиэпэннээх Лауреат – Карина Барашкова, Илья Винокуров аат. Намнааҕы педагогическай колледж;
3 истиэпэннээх Лауреат – Александра Жарина, И.И. Фадеев аат. финансовай-экономическай колледж.
«Спортсмен года» анал аат
Гран-при – Алина Готовцева, С.Ф. Гоголев аат. Дьокуускайдааҕы педагогическай колледж;
1 истиэпэннээх Лауреат – Ньургун Семенов, И.И. Фадеев аат. финансовай-экономическай колледж;
2 истиэпэннээх Лауреат – Дарья Фазульдинова, Дьокуускайдааҕы тыа хаһаайыстыбатын техникума;
3 истиэпэннээх Лауреат – Никита Федоров, Илья Винокуров аат. Намнааҕы педагогическай колледж.
Хамаанданан анал ааттар
«Добровольческое объединение года» анал аат
Гран-при – волонтер-медиктар штаба, В.А. Вонгродскай аат. Дьокуускайдааҕы медицина колледжа;
1 истиэпэннээх Лауреат – баҕа өттүнэн устудьуоннааҕы киин, Южно-Якутский технологический колледж;
2 истиэпэннээх Лауреат – “Сырдык” волонтерскай этэрээт, Дьокуускайдааҕы тыа хаһаайыстыбатын техникума;
3 истиэпэннээх Лауреат – «Горячие Сердца» устудьуоннааҕы педагогическай этэрээт, Н.Г. Чернышевскай аат. Бүлүүтээҕи профессиональнай-педагогическай колледж.
«Студенческое медиа года» анал аат
Гран-при – устудьуоннааҕы медиа киин, Южно-Якутский технологический колледж;
1 истиэпэннээх Лауреат – “STUDLAND” медиа бөлөх, Илья Винокуров аат. Намнааҕы педагогическай колледж;
2 истиэпэннээх Лауреат – «Наш формат» медиа бөлөх, “АЙТЫЫН” Колледж цифровых технологий.
«Патриотическое объединение года» анал аат
Гран-при – «Дьулус» патриотическай кулууп, Илья Винокуров аат. Намнааҕы педагогическай колледж;
1 истиэпэннээх Лауреат – «Хорсун» байыаннай-патриотическай кулууп, Н.Г. Чернышевскай аат. Бүлүүтээҕи профессиональнай-педагогическай колледж;
2 истиэпэннээх Лауреат – СССР Геройа А.А. Миронов аат. байыаннай-патриотическай кулууп, Үөһээ Бүлүүтээҕи техникум;
3 истиэпэннээх Лауреат – «ПАТРИОТ» Патриотическай кулууп, Дьокуускайдааҕы тыа хаһаайыстыбатын техникума.
«Студенческий клуб года / театральный клуб года / студенческий совет года» анал аат
Гран-при – «Энсиэли» спортивнай устудьуоннааҕы кулууп, Илья Винокуров аат. Намнааҕы педагогическай колледж;
1 истиэпэннээх Лауреат – «ЭРЭЛ» спортивнай устудьуоннааҕы кулууп, С.Ф. Гоголев аат. Дьокуускайдааҕы педагогическай колледж;
2 истиэпэннээх Лауреат – «АСКУЛ» устудьуоннааҕы сэбиэт, Дьокуускайдааҕы автодорожнай техникум;
3 истиэпэннээх Лауреат – «ДОХСУН» спортивнай устудьуоннааҕы кулууп, Н.Г. Чернышевскай аат. Бүлүүтээҕи профессиональнай-педагогическай колледж.
Ирина Суздалова салайааччылаах “STUDLAND” Медиа киин,
Илья Винокуров аат. Намнааҕы педагогическай колледж