Суол айаныгар кыра саастаах уонна улаатан эрэр оҕолор саамай быһаарыылаах кыттааччылартан биирдэстэрэ буолалларын Нам улууһун суоппардарыгар Намнааҕы Госавтоинспекция санатар.
Массыынаҕа олорбут, айан суола кыттыылааҕа буолбут оҕо инники дьылҕата быһаччы суоппартан тутулуктаах. Куһаҕанын ылан эттэххэ, төрөппүттэр, аймахтар дьалаҕай туттунуулара суол быһылааныгар тиэрдиэн сөп. Оҕо — айан суолун саамай кэбирэх кыттааччыта буолар.
Суол хамсааһыныгар куттал үөскээбэтин туһуттан, массыына ыытар бырааптаахтар суол быраабылатын тутуһуҥ! Бэйэҕитин уонна чугас дьоҥҥутун харыстааҥ!
Намнааҕы Госавтоинспекция