Улууспут “Эҥсиэли” хаһыатыгар кэлэр сылга сурутуу эстафетата түмүктэнэр биэтэгэр чугаһаата. Онуоха киин нэһилиэкпит депутаттара “палочканы” тэтимнээхтик бэрсэн, түөлбэлэрин олохтоохторугар хото суруттараллар.
“Строительнай ” түөлбэттэн депутат Анна Гоголева сурутуу эстафетатын «Госстрах» депутатыгар Иван Яковлевка ыытта. Иван Васильевич түөлбэтин аҕам саастаах олохтооҕор сыл аҥаарыгар сурутуу бэлэхтээтэ. Итиэннэ “Намскай” түөлбэ депутата Попова Вера Васильевнаҕа туттарда.
Вера Васильевна доруобуйа харыстабылын ветераныгар, Калинова Мария Фёдоровнаҕа, улуус хаһыатын суруттарда. Эстафетаны “Даадар” түөлбэ депутата Бочкарев Андрей Виссарионовичка ыытта.
“Эҥсиэли” хаһыат