Ленскэй нэһилиэк Центральнай уокуругун депутата, М.К. Аммосов аатынан СӨ государственноһын историятын музейын директора Александр Васильевич Кириллин сурутууга эстафетаны нэһилиэк депутаттарын сэбиэтин председателэ Охлопков Егор Егоровичтан туппута.
Александр Васильевич Россия Журналистарын союһун чилиэнэ. СМИ эйгэтигэр хаһыаппыт өссө “Ленин суола” эрдэҕинэ 1989-1990-1991-1993 сс. үлэлээн ааспыт уопуттаах . Россия Журналистарын союһугар чилиэн быһыытынан 1996 с. киирбитэ. Онон хаһыат, бэчээт, телевидение эйгэтигэр депутаттартан саамай чугас киһибит.
Эстафетаны тутаат, 2025 сылга сурутууну Александр Васильевич Хатырык нэһилиэгин олохтооҕо, Россия Журналистарын союһун чилиэнэ, бастыҥ общественнай корреспонденнарбытыттан биирдэстэрэ Куличкина Альбина Семеновнаҕа оҥордо. Итиэннэ сурутуу эстафетатын улуустааҕы пенсия фондатын управлениетын начальнигар, “Ленскэй” микрорайонтан депутат Бурцев Евгений Михайловичка туттарда.
«Эҥсиэли» хаһыат